A Xunta implanta no instituto de Coroso o ciclo profesional dual de cociña e restaurante
Redacción
O Concello de Ribeira e a Consellería de Cultura, Educación, FP e Universidades alcanzaron un acordo para a implantación do ciclo formativo de formación profesional básica de cociña e restauración na modalidade dual nas instalacións do edificio do mercado. Así, a Xunta autorizará para o curso 2023-2024 o ciclo no CIFP Coroso. As ensinanzas do primeiro curso impartiranse na aula taller de cociña sita no segundo andar do mercado; e as do segundo curso, nun taller de restaurante e cafetería que se implantará no primeiro andar de dita instalación.
O Concello vai acondicionar os espazos e dotalos do equipamento necesario, como o cubrimento da tarima de madeira existente cunha lámina ignífuga e antiescorregadiza, moble de barra e moble traseiro cafeteiro, botelleiro, equipamento de mantelería e panos de restaurante, equipamento de facturación (TPV táctil con sistema de pedidos electrónicos portátiles), moblaxe, cubertería, louza, cristalería, enxoval e roupa de restaurante, entre outros elementos.
- “A nivel salarial non está en absoluto recoñecido o labor que fan os alcaldes”
- Ames executa obras por valor de 2,76 millóns en Bertamiráns, Milladoiro e núcleos rurais
- O PP de Teo aproba delegar na Xunta o reforzo policial, pero rexeita a moción contra Altri no Ulla
- Ordes enxalza os champiñóns e A Estrada acolle as actividades do Día da Xuventude
- Maio Vintage: Boiro revive os anos oitenta cun mercado retro
- Boiro celebra o Día da Danza cun espectáculo protagonizado por cincuenta bailarinas de ballet
- Vimianzo busca actores e actrices para dar vida aos Irmandiños que asaltarán o castelo