A Aula da Natureza amesá prepara un curso de horta sostible e saídas
O sábado 20 realizarase un paseo botánico polas fragas de Agrón
A Aula da Natureza de Ames prepara actividades para o presente mes, que inclúen apartado formativo e tamén de ocio. Nese sentido, programouse un curso de horta sostible, que se desenvolverá os días 15, 22 e 29 de abril e tamén o 6 e 13 de maio, de 11.00 a 13.30 horas, no viveiro municipal de Barouta. Ademais, os participantes contarán con servizo de autobús (sairá ás 10.30 horas da casa da cultura do Milladoiro e ás 10.45 horas do Pazo da Peregrina). Por outra banda, o sábado 15 de abril terá lugar unha saída ao Concello de Lalín, cunha ruta de oito quilómetros ao Castro de Doade e visita á Casa do Patrón (2 euros). Haberá buses con saídas dos mesmos lugares e horas. E xa o sábado 20 realizarase un paseo botánico polas fragas de Agrón, onde os excursionistas poderán observar carballos, loureiros, freixos, amieiros ou pereiras bravas (tamén con servizo de autobús). Os interesados en participar nestas actividades deben remitir a ficha da web municipal ao enderezo electrónico auladanatureza@concellodeames.gal.
Temas
Más en Área
-
Muere un operario de 47 años al caerle encima un muro de una casa en Ponteceso
-
Oroso se prepara para tres días de exaltación truchera con el pregón de los alumnos de su instituto
-
Ames crea espacios culturales en O Milladoiro y ya tramita el tercer Plan Único más alto en la comarca
-
Eligen al orosano Diego Conde nuevo miembro de la Academia de Veterinaria de Galicia