Premios na Festa Castrexa da Baña ós mellores clans que participaron
A Baña celebrou unha nova edición da súa Festa Castrexa, na que premiou aos clans participantes máis destacados. Así, o galardón á mellor caracterización foi para Alborada; a da mellor teatralización recaeu en Escribanos Palustres; e o mellor artefacto móbil foi o do Clan da Alberta. Os tres recibiron de agasallo un lote de produtos. Na festividade, A Baña volveu á época prerromana con moita música tradicional, postos de artesanía e xogos populares.
Animou a gozar da festa o actor Víctor Fábregas nun pregón no que fixo un particular percorrido pola historia e recomendoulles aos castrexos que non veñan á tolemia do mundo actual.
As gaitas de Axio Mouro, o pregón e as cantareiras de Malvela abriron a xornada, que continuou xa pola tarde ca actuación de alumnado da Escola Municipal de Música da Baña, a presentación dos clans, a batalla castrexo-romana, xogos e os sons das pandeiretas, gaitas e as cantareiras locais. A festa acabou no Castro ca música de Sés e a Charanga Mekánika Rolling.
Temas
Más en Área
-
O goberno fisterrán cualifica de “irregular” o contrato do arquitecto local dende 2018
-
Consternación en Teo y Santiago por el fallecimiento de Miguel Dios Montoto tras ahogarse en el río de Santa Lucía
-
Herido grave un joven de 15 años en Dumbría que cayó de un tejado al que subió para recoger una pelota
-
Bela Fisterra estreará no Festival de Cans un videoclip de homenaxe a Kepa Junquera