Seis blogueiros que ao mes suman 500.000 visitas promocionan o ceo da Costa da Morte
Están realizando unha ruta de catro días por un territorio referente como destino Starlight
Xuntos teñen 50.000 seguidores
O Blogtrip Costa da Morte Starlight comezou cun encontro de familiarización e presentación dos participantes, seguido dunha ruta en caiac ata a fervenza do Ézaro. A Asociación Turística Costa da Morte, presidida por Manuel Muíño (alcalde de Zas), organizou esta iniciativa, que pretende mostrar e divulgar o destino, en xeral, e o potencial do astroturismo na Costa da Morte, en particular.
A organización do itinerario xurdiu dunha estreita colaboración público-privada e do traballo conxunto co equipo de Monitores Starlight, no que o astroturismo serve de fío condutor para dar a coñecer a riqueza do patrimonio natural e cultural da Costa da Morte. O territorio conta, desde xaneiro de 2023, co distintivo de calidade Destino Turístico Starlight, emitido pola Fundación Starlight.
Os blogueiros e blogueiras que ata o sábado doce mostrarán a Costa da Morte nos seus canais son Rubén López (Caminante del planeta), Angi Baldrich (@galicia.angibaldrich), Nuria e Sergio (Toxío), Dani Keral (Un viaje creativo) e Eva Abal (Una idea, un viaje). Xuntos, suman más de 50.000 seguidores na rede social Instagram e os seus blogs reciben máis de 500.000 visitas ao mes.
Segundo Manuel Muíño, o Blogtrip Costa da Morte Starlight pretende “difundir, promocionar e impulsar o noso xeodestino como territorio de referencia no astroturismo”.
A asociación representa ao sector turístico vinculado á iniciativa privada e tamén aos 17 concellos que integran o destino Costa da Morte: Cabana de Bergantiños, Camariñas, Carballo, Carnota, Cee, Corcubión, Coristanco, Dumbría, Fisterra, A Laracha, Laxe, Malpica, Mazaricos, Muxía, Ponteceso, Vimianzo e Zas.
“Temos un territorio privilexiado para a observación do ceo e queremos apostar pola excelencia no eido do astroturismo”, destaca Muíño, quen confía en que os blogueiros e blogueiras “dean a coñecer os nosos ceos e tamén o noso patrimonio, a nosa natureza e a nosa cultura”.
O alcalde salienta, ademais, que “a meirande parte dos servizos e das actividades programadas neste Blogtrip realízana empresas socias da nosa entidade, da Asociación de Profesionais Turísticos da Costa da Morte, adheridas ao Sistema Integral de Calidade Turística en Destino e/ou Monitores Starlight”. Isto é froito da orientación do citado colectivo cara a mellora da competitividade do sector, traballando na creación de sinerxías co obxectivo de visibilizar as entidades implicadas no incremento da calidade das experiencias turísticas, a preservación dos ceos nocturnos e o fomento da sostibilidade no destino Costa da Morte.
Os blogueiros estiveron onte nun treito do Camiño dos Faros, a vila de Corcubión, as illas Lobeiras, a ría de Lires e a praia de Nemiña.
- El Correo Gallego - Diario de la capital de Galicia
- El alimento que debes comer por las noches para perder peso sin esfuerzo
- Vuelven los conciertos a la azotea de este hotel de Santiago: gastronomía y música para iniciar la cuenta atrás del verano
- La Urbana llega a Santiago: el nuevo local de hamburguesas abrirá esta semana en Cancelas
- Adiós a la campana extractora: el nuevo producto de Ikea que deja tu cocina libre de humos
- Llegan las primeras despedidas en el Obradoiro tras el descenso
- Estas son las tres enfermedades que el kiwi ayuda a combatir
- Raxoi otorga la licencia para ampliar la gasolinera más barata de Santiago