Axudas da Xunta para oito negocios de hostalaría da Costa da Morte
O delegado da Xunta, Gonzalo Trenor, visitou este venres O Semáforo de Fisterra, un dos establecementos beneficiados polas axudas da Axencia de Turismo de Galicia, dirixida a aloxamentos e restaurantes para mellorar as súas instalacións.
Informou de que a Xunta concedeu máis de 144.000 euros a oito establecementos de Bergantiños-Costa da Morte, que mobilizaron máis de 335.000 euros, para mellorar as súas instalacións.
Os outros sete beneficiarios son a Raxería Río Sil e o Balneario, de Carballo; Cabañas de Lires e Hotel La Marina, de Cee; e os restaurantes O Centolo, La Bayonnaise 1803 e O Fragón, de Fisterra.
Durante a visita, o representante autonómico destacou que “estamos ante un bo exemplo do apoio da Xunta á mellora das infraestruturas dun sector estratéxico como é o turismo nesta área”.
O obxectivo destas axudas é incentivar a mellora das instalacións e infraestruturas destes establecementos co fin de consolidar unha oferta turística de calidade. As achegas cobren tanto obras de acondicionamento como a adquisición de equipamento ou mobiliario.
Turismo de Galicia contou para esta orde cun total no conxunto da comunidade de 3,5 millóns de euros, divididos en dúas liñas.
Temas
Más en Área
-
Tres detenidos por tráfico de drogas tras identificar a un menor que suministraba estupefacientes en A Pobra
-
Cumbre política en Santa Comba tras la 'rebelión' vecinal a favor del eucalipto
-
Los profesionales del taxi de Teo abogan por crear un área de prestación conjunta en Santiago
-
Compañías que optan a la presa de bombeo en Brión exigen explicaciones ante la entrada confirmada por Naturgy