A Pobra colabora nun proxecto para a medición do impacto do cambio climático nas empresas do mar
A cooperativa Dálle que dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación estratéxica do impacto do cambio climático nas pequenas e medianas empresas dos servizos ecosistémicos da ría da Arousa. O seu nomeé Esclimatic.
Entre as colaboradoras están a confraría da Pobra, que dirixe Enrique Maceiras, e a concellería de Promoción Económica, para a cal “é moi importante apoiar iniciativas desta índole que beneficien os negocios con actividades vinculadas ao mar, dende a perspectiva social e dende a económica, debido á cantidade de emprego que xera de maneira directa e indirecta”, di a edil de dito departamento, Amparo Cerecedo.
No marco do proxecto aplicaranse métodos colaborativos para a identificación de estresantes e impactos presentes e futuros que afectan directamente aos produtores primarios (mariscadores, pescadores, mergulladores, etc.) para, posteriormente, deseñar unha estratexia de adaptación para toda a cadea produtiva que permita a colaboración entre os diferentes axentes.
Dálle que dállee stá formada por Laura Vidal Bralo, Susana Loroño Mondragón e Lorena Leiro Paz.
Pero esta non é a única iniciativa coa cal o Concello establece sinerxias con dita cooperativa en materia de dinamización. En 2023 botou a andar A todo piñón: escola de segunda oportunidade do Barbanza, un proxecto formativo posto en marcha polo Concello, co apoio da comunidade educativa e o tecido empresarial, focalizado na mellora das competencias prelaborais e profesionais da xente moza de entre 16 e 30 anos da comarca a través da mobilidade sostible e a economía circular, ao tempo que se busca contribuír á creación de emprego na localidade.
Temas
Más en Área
-
Ames es el municipio que más jóvenes sumó en la provincia en los últimos veinticinco años, con un total de 4.304 vecinos
-
Diecisiete mayores de Boqueixón avanzan en el curso dedicado a la tecnología y su uso práctico en su día a día
-
Vila de Cruces destina 4,5 millones a su Servizo de Axuda no Fogar por tres años, ampliables a cinco
-
El Pazo da Peregrina de Ames acoge la cena benéfica que busca mejorar la investigación y atención a enfermos pediátricos