A Copa Galicia de fútbol sala feminino márchase para Burela
O equipo laranxa impúxose ó Ence Marín Futsal por un amplo 1-5 pese á dura batalla que presentaron as súas rivais desde o comezo
O Pescados Rubén Burela conquistou en Noia a súa sétima Copa Galicia tras superar na final ó Ence Marín Futsal (1-5) no pavillón Agustín Mourís de Noia. Os tantos de Antía Pérez, Dany, Peque e Emilly outorgaron ó combinado dirixido por Julio Delgado o terceiro título da tempada ante un Marín peleón.
A primeira parte tivo moito fútbol. Ambos saíron con todo a por a Copa Galicia e o ritmo foi frenético e por momentos a final converteuse nun auténtico correrrúas.
O Marín Futsal, a pesar de ser a súa primeira comparecencia nunha final, saíu sen medo. Con todo, o Burela desequilibrou a balanza na súa primeira chegada á meta defendida por Silvia Aguete. Antía Pérez recolleu unha pelota fóra da área e superou á gardameta do Marín cun disparo raso no minuto 8.
O tanto non amedrentou ao elenco preparado por Ramiro Díaz, que se foi a polo empate e tívoo nas botas de Ale de Paz, pero o seu zapatazo estrelouse contra a madeira da meta defendida por Caridad.
Antes do descanso, o Ence Marín Futsal voltou avisar cunha xogada de tiraliñas desde a súa propia área, pero o disparo de Café marchou lambendo o poste dereito. Co 0-1 chegouse ao intermedio no Pavillón Agustín Mourís de Noia.
Na reanudación, o Burela sentenciou a gran final facendo gala da súa pegada. Dany puxo terra de por medio no primeiro minuto da segunda metade nunha rápida transición. Malia ó golpe, as de Ramiro Díaz non tiraron a toalla e Ale de Paz, á saída dun córner, metería as súas na finalísima ao rematar libre de marca.
Co 1-2 comezou un novo partido onde o Burela castigou ás marinenses. Peque, tras un erro na saída do Marín, volvería poñer terra de por medio ao anotar o 1-3.
Xa na recta final, e co Marín envorcado, Emilly sentenciaría o encontro anotando o 1-4 e Patricia sumouse á festa marcando o 1-5 definitivo para desatar o delirio entre a parroquia da Mariña desprazada ata Noia.
- El Compostela apura sus opciones para volver al Vero Boquete esta temporada
- Moncho Fernández: “El Real Madrid está en un momento de forma fantástico”
- El Obradoiro no consigue dar la sorpresa en el Wizink Center y cae ante el Real Madrid
- El Compos tumba al Real Avilés en el Vero Boquete y apura sus opciones de 'playoff' hasta el final
- O Obradoiro prepara a súa visita ao Real Madrid cun adestramento en Bertamiráns
- Iago Aspas será el capitán de la selección gallega
- El Rítmica Compostela puso el arte de 700 gimnastas al alcance de los santiagueses
- Márquez se cae cuando era líder y le regala la victoria de Jerez a Martín