ABANCA e Banque Fédérative du Crédit Mutuel asinan a compravenda de Targobank España
A operación completarase ao longo de 2023, unha vez recibidas as autorizacións correspondentes, e a continuación abordarase a integración tecnolóxica
ACANCA Comunicación
ABANCA e BFCM (Banque Fédérative du Crédit Mutuel) asinaron esta mañá na sede de ABANCA en Madrid o contrato de compravenda de Targobank España, unha vez finalizados o período de conformidade e a consulta aos representantes dos traballadores previstos na lexislación francesa. No acto de firma estiveron presentes o presidente e o CEO de ABANCA, Juan Carlos Escotet Rodríguez e Francisco Botas respectivamente, e o deputy CEO de BFCM, Alexandre Saada.
A operación, que se completará ao longo deste ano, queda pendente da obtención das autorizacións administrativas do Banco Central Europeo, a Comisión Nacional dos Mercados e da Competencia, e a Dirección Xeral de Seguros e Fondos de Pensións. Posteriormente, durante 2024 procederase á integración tecnolóxica, proceso para o que ABANCA conta cun modelo de éxito probado nas seis operacións corporativas realizadas desde 2014.
A integración na plataforma tecnolóxica de ABANCA permitirá aos clientes de Targobank España beneficiarse de maiores capacidades tecnolóxicas, especialmente a través da súa banca móbil; de atención persoal nunha rede de preto de 700 oficinas en España; dun alto grao de especialización en segmentos como familias, banca persoal, privada, pemes e empresas, seguros, fondos de investimento, medios de pago e consumo; de maior diversificación do catálogo de produtos, e da súa presenza internacional en 11 países de Europa e América.
A operación en cifras
Coa integración de Targobank España, ABANCA xestionará un volume de negocio de 112.544 millóns de euros, un 5,2% superior ao actual. Os préstamos ascenden a 49.219 millóns, un 6,9% máis, os depósitos suman 51.390 millóns, cun incremento do 4,4%, e o número de oficinas sitúase en 727, un 7,5% máis. O cociente de mora conxunto é do 2,1% e a cobertura do 86%, o que permitirá manter a boa calidade dos activos que presenta ABANCA.
Targobank España conta con 541 profesionais que prestan servizo a preto de 150.000 clientes a través das 51 oficinas que teñen en todo o territorio nacional, especialmente no arco mediterráneo, Madrid e Andalucía. ABANCA manterá aos profesionais de Targobank España para dar continuidade á súa política de sumar o talento e a profesionalidade dos equipos incorporados nas diferentes integracións.
Coincidencia nas liñas estratéxicas de negocio
A estratexia de negocio de Targobank España coincide coa aposta de ABANCA pola orientación á captación e vinculación dos particulares, a través de produtos valor como os seguros, medios de pago ou fondos de investimento, así como ao apoio ás pequenas e medianas empresas. Targobank España dispón duns activos de alta calidade, froito da xestión previa e dun equipo de alta capacidade profesional.
- El Correo Gallego - Diario de la capital de Galicia
- Un rincón propio de Asia que se esconde en Galicia: tiene un puente colgante y está a menos de una hora de Santiago
- Una estadounidense conduciendo por A Illa de Arousa se queja de algo muy común en toda Galicia: '¿Cómo lo hacen?
- ¿Hasta cuándo van a durar los efectos de la borrasca que afecta a Galicia desde el lunes?
- Estrella Galicia lanza la canción del verano: así suena el tema compuesto por un popular artista compostelano
- La tienda temática de Harry Potter más grande de España abre sus puertas en Santiago
- Una empresa de Noia transporta un rinoceronte indio desde Polonia hasta Córdoba
- La cifra de alumnos y personal del colegio de Ventín con cuadro de diarrea roza los 60 y la Xunta tomó ya muestras de la comida