CIG-Ensino denuncia a supresión de 89 prazas e 60 unidades en Educación Infantil e Primaria
Inciden, ademais, na gran oportunidade que a Consellería de Educación perde ao non realizar unha baixada nos ratios, a cal permitiría ao profesorado "aumentar a calidade do ensino"
CIG-Ensino denuncia a supresión de 60 unidades de educación infantil e primaria, que se traducen no recorte de 89 prazas, tralo estudo que o organismo realizou sobre a ORDE do 31 de xullo de 2023 pola que se modifican as unidades e os postos de traballo docentes dos centros públicos dependentes da Consellería, publicada este venres no Diario Oficial de Galicia (DOG).
Tres centros gallegos cerrarán sus puertas por falta de alumnos en el próximo curso
Así, o organismo sinala nun escrito que estes recortes xa foran advertidos por eles o pasado 20 de xullo e "a administración no lugar de tomar nota das peticións da comunidade educativa de cara a non levar a cabo as supresións e aproveitar a baixada da natalidade para diminuír as ratios profesorado/alumnado segue adiante e incluso presume destas cifras, aínda que para iso teña que retorcer as matemáticas até límites obscenos".
Inciden, ademais, na gran oportunidade que a Consellería perde ao non realizar unha baixada nos ratios, a cal permitiría ao profesorado "aumentar a calidade do ensino".
A solución para este organismo pasa por aproveitar "a baixada da poboación en idade escolar para rebaixar as ratios e recuperar o horario lectivo do profesorado a 18 horas en secundaria e 21 horas en primaria", unha situación que, recordan, solo queda en Galicia e en Madrid "cos recortes impostos por Feijóo e Rajoy nos anos 2011 e 2012".
Temas
Más en Galicia
-
Las lluvias siguen este sábado: tormentas y ascenso de las temperaturas en Galicia
-
¿Por qué el pan es mejor en Galicia que en el resto de España?
-
Desaparece un biólogo tras colisionar el buque de una empresa viguesa y un pesquero venezolano
-
Milleiros de persoas marchan en Santiago para pedirlle á Xunta que traballe a prol do galego