María Rozas quere reactivar o Consello Municipal de Cooperación e Solidariedade
Reactivar o Consello Municipal de Cooperación e Solidariedade, un órgano constituído no pasado mandato e que non se volveu reunir nesta lexislatura, é un dos compromisos manifestados pola candidata de Compostela Aberta á alcaldía da capital galega, María Rozas, durante o encontro mantido con representantes de organizacións non gubernamentais.
Na reunión, e segundo un comunicado da formación, reiterou a súa vontade de recuperar e darlle estabilidade ás convocatorias de axudas á cooperación “que o Goberno de Bugallo non foi quen de sacar adiante en todo o mandato”.
Para a tamén portavoz municipal de Compostela Aberta, “Santiago tén que volver ser o exemplo de solidariedade que foi durante o pasado mandato, e un lugar de referencia para as organizacións que traballan en prol do desenvolvemento e da defensa dos dereitos humanos”.
María Rozas mantivo onte unha xuntanza con representantes da Coordinadora Galega de ONGDs, de Agareso e do Movemento pola Paz, para explicar as propostas do seu partido en materia de cooperación ao desenvolvemento. Incidiu en que “o noso obxectivo é recuperar as iniciativas impulsadas durante o pasado mandato, que foron pioneiras, que estiveron acordadas coas entidades, e que o Goberno de Bugallo deixou esmorecer”, dixo.
Temas
Más en Santiago
-
¿Cómo se ha llegado a los retrasos de los pacientes oncológicos en el CHUS?
-
La Xunta amplía desde este lunes las rutas de autobús entre Vigo y el aeropuerto de Santiago
-
Día de los Museos en Santiago: música, talleres y visitas guiadas gratuitas
-
Miqui Otero: “En esta novela que presento en Santiago, la narradora es la música”