Santiago(é)tapas sortea unha noite de hotel entre os locais participantes na súa XV edición
É unha das novidades xunto co premio á mellor tapa doce // A inscrición remata o 10 de xaneiro
Redacción
Santiago(é)tapas entra xa na recta final da campaña de comunicación que se desenvolveu durante todo o Nadal para anunciar o cambio de datas da XV edición, que se celebrará do 15 de febreiro ao 3 de marzo, e para o que aínda está aberta a inscrición ata o próximo 10 de xaneiro, debendo formalizarse a través da web santiagoetapas.gal.
Como incentivo, entre todos os locais rexistrados, o grupo hostaleiro Alda Hotels sorteará unha noite para dúas persoas nun dos máis de sesenta aloxamentos que ten a cadea galega polo norte e centro de España. Este sorteo entre os locais rexistrados é unha das novidades do próximo Santiago (é) Tapas, que seguirá a mesma dinámica e perseguirá o mesmo obxectivo que edicións anteriores.
Así, volverán establecerse varios roteiros cos establecementos participantes e entregaranse premios ás mellores tapas na categoría de tradicional, creativa, maridadas con viño e cervexa, sen glute e por primeira vez, á mellor tapa doce.
As tapas deberán estar elaboradas con produtos galegos de calidade contrastada, produtos de agricultura ecolóxica ou produtos do mar de Galicia certificados, nunha aposta pola gastronomía galega e os produtos de proximidade.
Haberá obsequios directos para todas aquelas persoas que fagan as etapas completas, para o que terán que ir selando o Tapasporte, e sortearanse numerosos agasallos como ceas experiencias, produtos gourmet e entradas a museos e espectáculos.
- El dueño de un bar de Santiago y otras dos personas acaban en el hospital tras ingerir sin saberlo un pastel de marihuana
- Deportes Cibeira echa el cierre después de 45 años: “Con algunos clientes te saltan las lágrimas”
- La empanada esculpida en el Pórtico de la Gloria: el manjar que los godos trajeron a Galicia
- Crónica social compostelana | Jubilación en Monte do Gozo
- Confirmada la Panorama en Santiago: Raxoi hace oficial el lugar de la actuación pese a las advertencias de Apatrigal
- Los futuros médicos celebran su graduación por todo lo alto en el Multiusos Fontes do Sar
- El parricidio de Brión: la muerte a hachazos del Dr. Antonio Pensado estremeció a la sociedad compostelana
- Un coro xigante canta en Compostela 'Grândola, Vila Morena