A Igrexa da Universidade inaugura hoxe a mostra 'A Galicia inédita. Unha ollada diferente do fotoxornalismo galego'
Aberta ao público desde este martes e ata o 15 de maio, inclúe obra de 73 fotógrafos que traballan para medios ou como 'freelance' na comunidade
A Igrexa da Universidade de Santiago (USC) inaugura esta tarde, a partir das 13.30 horas, a mostra fotográfica A Galicia inédita. Unha ollada diferente do fotoxornalismo galego, organizada pola Asociación de Periodistas de Galicia (APG) e polo Colectivo Profesional de Fotoxornalistas de Galicia, e na que se inclúen 73 obras doutros tantos fotógrafos de prensa, entre eles os de EL CORREO GALLEGO Antonio Hernández e Jesús Prieto, que traballan para medios ou como freelance na comunidade.
A exposición será inaugurada este luns polo presidente da Xunta, Alfonso Rueda, e a vicerreitora de Estudantes e Cultura da Universidade de Santiago, Pilar Murias, e xa desde este martes e ata o 15 de maio estará aberta ao público de martes a sábado, en horario de 11.00 a 14.00 e de 17.00 a 20.30 h., con acceso libre.
O obxectivo da exposición é intentar poñer en valor o traballo dos reporteiros gráficos de toda a comunidade, algún deles con décadas de experiencia ás súas costas. En A Galicia inédita. Unha ollada diferente do fotoxornalismo galego darase a coñecer ao gran público unha representación da obra de cada un dos profesionais, imaxes nalgúns casos inéditas e noutros publicadas en medios impresos. ecg
Temas
Más en Santiago
-
¿Cómo se ha llegado a los retrasos de los pacientes oncológicos en el CHUS?
-
La Xunta amplía desde este lunes las rutas de autobús entre Vigo y el aeropuerto de Santiago
-
Día de los Museos en Santiago: música, talleres y visitas guiadas gratuitas
-
Miqui Otero: “En esta novela que presento en Santiago, la narradora es la música”