Dobre cita feiral na Estrada de antigüidades, artesanía e oportunidades do comercio
Máis de medio cento de empresas amosarán a súa oferta de produtos na vindeira fin de semana
Redacción
O recinto feiral da Estrada inaugurará esta fin de semana o seu calendario de 2023 cunha dobre mostra: a 11 Feira de Oportunidades do Comercio e a 64 Feira de Antigüidades e Artesanía, que xuntarán máis de medio cento de empresas expositoras.
A mostra de oportunidades estará ubicada nos pavillóns tres, catro e cinco, e xuntará firmas de roupa, calzado, xoguetería, mobiliario, tapicería, descanso, artesanía, complementos varios e vehículos de ocasión, entre outros. Os expositores patrocinarán os vinte e tres agasallos que se sortearán entre os visitantes, e o Concello da Estrada, a través dos produtores artesanais locais, convidará a dúas degustacións de produtos da terra (sidra, mel, queixo, embutidos...)
Asemade, habilitarase un parque infantil con inchables para os máis cativos. Estará operativo no horario da cita feiral.
Pola súa banda, a feira de antigüidades estará no pavillón seis e acollerá a anticuarios de Galicia e tamén doutros puntos de España.
O recinto feiral abrirá o venres, día 10, ás 16.00 horas, e o sábado e o domingo permanecerá aberto dende as 11.00 ás 20.00 horas.
- La foca Oza continúa su descanso en Costa da Morte
- O PP de Teo aproba delegar na Xunta o reforzo policial, pero rexeita a moción contra Altri no Ulla
- Padrón celebra o seu San Xoán de Raio coa comida de confraternidade
- El grupo Los del pirata cojo ofrece este sábado un tributo a Sabina en Noia
- Más de ochenta personas cantan 'Grándola' en Rianxo para conmemorar la Revolución de los claveles
- Portazo a la petición de Ribeira para acoger los exámenes y las pruebas del carné de conducir
- El 'hotel rosa' de Vedra, entre los diez mejores alojamientos de España para la Guía Michelín
- Maio Vintage: Boiro revive os anos oitenta cun mercado retro