Muxía financiará a segunda fase da rede de auga de Suxo co remanente de tesourería

O Concello de Muxía ten un remanente de tesourería de máis de 2,8 millóns de euros co que o goberno local pretende financiar a segunda fase do abastecemento de auga de Suxo, un plan de arranxos das reixas de recollida de pluviais na capital municipal, a compra dunha nova bomba de captación para a estación dos Muíños e un plan de emprego centrado na limpeza do rural. A proposta será levada a pleno.