Charla literaria da escritora María Canosa co alumnado do IES de Baio
Redacción
A escritora ceense María Canosa participou nunha charla literaria co alumnado de primeiro da ESO do IES Maximino Romero, centrada en Saínza, a Punkiereteira, un álbum escrito por ela e ilustrado por Cristian F. Caruncho. A autora explicoulle aos estudantes que, a partir da ilustración que lle inspirou esta obra, tivo claro que a protagonista tiña que ser “afouta, decidida, feminista, amante do rural e moi respectuosa cos maiores”.
Canosa deulle as grazas aos escolares polo simple feito de ler, e animounos a que non deixen de darlle oportunidades aos libros. Contoulles que nunca pensara en ser escritora, pero como súa nai, Concha Blanco, escribía, ela tamén o facía de forma natural, porque lle gustaba e era un divertimento máis. Unha diversión que tamén lle fai reflexionar sobre si mesma e o sobre o que lle preocupa. Antes de comezar a escribir xa ten a historia na cabeza e despois deixa que pasen meses para corrixirse a si mesma, para poder cambiar o punto de vista de escritora a lectora. María Canosa confesou que aínda segue escribindo a man e que cando remata unha obra acostuma a poñerlle a data dese día. Publicou 52 libros, ademais doutros conxuntos, e recibiu numerosos galardóns literarios.
- La foca Oza continúa su descanso en Costa da Morte
- O PP de Teo aproba delegar na Xunta o reforzo policial, pero rexeita a moción contra Altri no Ulla
- Padrón celebra o seu San Xoán de Raio coa comida de confraternidade
- El grupo Los del pirata cojo ofrece este sábado un tributo a Sabina en Noia
- Más de ochenta personas cantan 'Grándola' en Rianxo para conmemorar la Revolución de los claveles
- Portazo a la petición de Ribeira para acoger los exámenes y las pruebas del carné de conducir
- El 'hotel rosa' de Vedra, entre los diez mejores alojamientos de España para la Guía Michelín
- Maio Vintage: Boiro revive os anos oitenta cun mercado retro