Toba só seguirá na alcaldía de Muxía se os outros tres grupos non pactan unha alternativa
O actual alcalde en funcións de Muxía, Iago Toba (PSOE, 5 edís), só seguirá no cargo senón prosperan as negociacións abertas entre PP (3 edís), Independentes por Muxía (2) e BNG (1). Así o confirmou o edil nacionalista Carlos Fernández, quen descarta apoiar aos socialistas “porque non estamos dacordo coa súa xestión nestes últimos catro anos e non queremos ser copartícipes da mesma”.
En canto ao acordo acadado a nivel autonómico polo PSOE e BNG, Fernández Concheiro asegura que “é xenérico e prevé casos especiais, e este o é”. Non obstante, aclara que outra liña vermella que non rebasarán os nacionalistas “é apoiar nin formar parte de ningún goberno do PP”.
Las ‘líneas rojas’ demoran posibles acuerdos para un nuevo gobierno en Muxía y Ponteceso
Dúas condicións que, a priori, deixan como única vía aberta a opción de que sexa o independente Javier Sar (IxM) quen asuma a alcaldía e o futuro goberno muxián. Unha posibilidade que o concelleiro do BNG sí ve factible, “aínda que non hai ningún acordo ao respecto”. Neste caso, o PP, que lidera Sandra Vilela, como segunda forza máis votada, tería que renunciar tamén a liderar unha alternativa ao PSOE de Iago Toba.
O que sí teñen claro os tres grupos que tentan artellar unha alternativa é que ningún deles está disposto a facilitar a continuidade dos socialistas, agás que entre eles non se chegue a un acordo, o que permitirá a Iago Toba renovar o seu cargo por ser a forza máis votada e con máis concelleiros na futura Corporación muxiana.
“Agardo que entre o luns e o martes poidamos ter unha resolución definitiva”, sinalou Carlos Fernández Concheiro.
Sinalar tamén que o propio Iago Toba descartou calquer acordo para formar goberno coas outras forzas políticas, e avoga por gobernar en minoría.
Temas
Más en Área
-
Permanece estable dentro de la gravedad el menor herido tras precipitarse desde un tejado en Dumbría
-
Aparece el cuerpo sin vida de un vecino de Rois tras la iglesia de Augasantas
-
Investigan a tres vecinos de Santiago por un hurto y un robo con violencia en una empresa de Valga
-
La orquesta Olympus actuará mañana en el Code Fest de Boqueixón