A literatura e os escritores da Costa da Morte cobran protagonismo nos actos culturais do Nadal
Concha Blanco presentou en Lires a súa nova obra 'Eu tamén fun nena'
Luis Lamela falará o xoves en Vimianzo do libro 'A loita dos perdedores'
J. M. Ramos
As escritoras e escritores de Costa da Morte están a ser protagonistas este Nadal, no que se suceden as presentacións literarias. A ceense Concha Blanco presentou na casa da escola de Lires a obra Eu tamén fun nena, ilustrada por Dani Padrón, na que a autora cóntalles ás netas as súas lembranzas da infancia, contrastándoas coas formas de vida actual, abordando temas como o coñecemento, o valor da lingua galega ou a igualdade de xénero, entre outros.
O xoves, día 14, será o turno do escritor e historiador Luis Lamela, que presentará no auditorio de Vimianzo A loita dos perdedores a partir das 20.00 horas. E o sábado, día 16, a muxiana María Lucinda Rey Escribano presentará no Parador Costa da Morte, en Muxía, o libro Ayúdate que te ayudaré, un relato autobiográfico de superación persoal. O acto comezarás ás 19.00 horas.
En Dumbría haberá dúas presentacións. O martes, día 19 ás 18.00 horas na biblioteca do Conco, Braulio Pérez Astray dará a coñecer Médicos e medicina rural na Costa da Morte: A figura do doutor Manuel Pérez Maroño, adicado ao que fora médico do municipio durante 17 anos. E o día 23, ás 19.00 h. no Ézaro, presentarase O monte Pindo ao descuberto: rutas e Lendas, de Modesto García e Nieves García.
- El Correo Gallego - Diario de la capital de Galicia
- El electrodoméstico que sustituye al horno y a la freidora de aire ya cuesta menos de 40 euros en Lidl
- ¿Cómo será viajar de Santiago a Madrid a partir de este martes con el nuevo AVE?
- Tristura no mercado de abastos santiagués polo pasamento de Lolo Fernández
- Mueren los conductores de dos vehículos tras colisionar en la carretera nacional N-550 a la altura de Ordes
- Vecinos de Conxo acuden a la Fiscalía para frenar la senda entre San Caetano y Milladoiro
- Así es el paraíso oculto entre las montañas gallegas: la aldea más escondida tiene alojamientos exclusivos y está a dos horas de Santiago
- Continúa el tiempo revuelto en Galicia: a partir de este día, anticiclón y 30 grados en el sur