Vimianzo achega o saber dunha nutricionista á veciñanza a prol dunha alimentación saudable
A especialista percorrerá as 14 parroquias co fin de mellorar a calidade de vida de todos os vimianceses
A iniciativa é promovida conxuntamente polo Concello e o Centro de Saúde
J. M. Ramos
O Concello de Vimianzo presentou este mércores un novidoso programa de apoio á nutrición organizado conxuntamente pola Administración local e o Centro de Saúde vimiancés. A iniciativa pon o foco en cuestións de alimentación saudable e, para chegar ao maior número de veciños e veciñas posible, percorrerá as 14 parroquias do municipio.
A nutricionista da Unidade e Apoio Nutricional do Centro de Saúde, Rocío Sánchez, será a encargada de impartir estes obradoiros, e fai un chamamento á veciñanza para que participen destas charlas, xa que “nelas poden atopar ferramentas moi útiles e sinxelas que axudarán a manter unha alimentación saudable e coidada”, afirma.
Na programación inclúense temas coma o concepto de alimentación saudable, a proporción e variedade de nutrientes que debe levar un bo prato, a frecuencia coas que cada persoa debe comer en función das súas necesidades ou a importancia doutros factores máis alá da alimentación, como o exercicio físico, o descanso ou unha boa hidratación.
Para facer as charlas máis didácticas responderanse as dúbidas máis frecuentes respecto da alimentación saudable, como por exemplo, se é necesario facer cinco comidas diarias, se é certo que o almorzo é a comida máis importante do día ou se é malo cear. Ademais, darase resposta ás cuestións particulares dos e das participantes nas sesións.
O ciclo comenzará o día 23 en Cambeda e Berdoias, e continuará en Castrelo e Baíñas (1 de marzo), Serramo e Treos (15 de marzo), Tines e Bamiro (22 de marzo), Salto e Vimianzo (5 de abril), Calo e Carantoña (12 de abril), e Cereixo e Carnés (19 de abril).
A iniciativa foi presentada pola alcaldesa, Mónica Rodríguez; a concelleira de Benestar Social, Sanidade, Igualdade e Atención Cidadá, María José Pose; os técnicos municipais Nieves Lema e Víctor Santos; a xefa de servizo de Atención Primaria de Vimianzo, Teresa Castro; e a nutricionista Rocío Sánchez.
A concelleira de Benestar Social, María José Pose, destacou a “constante aposta do Concello de Vimianzo por mellorar a calidade de vida da veciñanza”. Subliñou que o obxectivo destas charlas informativas é “que todos e todas saibamos como alimentarnos de forma correcta, ofrecendo un asesoramento profesional e gratuíto para chegar á maior cantidade de persoas posible”.
Precisamente, engadiu Pose Pérez, “por iso facemos que este programa sexa itinerante, para que calquera que queira asistir poida facelo na súa parroquia”.
- El Correo Gallego - Diario de la capital de Galicia
- Un rincón propio de Asia que se esconde en Galicia: tiene un puente colgante y está a menos de una hora de Santiago
- Una estadounidense conduciendo por A Illa de Arousa se queja de algo muy común en toda Galicia: '¿Cómo lo hacen?
- ¿Hasta cuándo van a durar los efectos de la borrasca que afecta a Galicia desde el lunes?
- Estrella Galicia lanza la canción del verano: así suena el tema compuesto por un popular artista compostelano
- La tienda temática de Harry Potter más grande de España abre sus puertas en Santiago
- Una empresa de Noia transporta un rinoceronte indio desde Polonia hasta Córdoba
- La cifra de alumnos y personal del colegio de Ventín con cuadro de diarrea roza los 60 y la Xunta tomó ya muestras de la comida