Os Fogos do 24 de xullo dispararanse desde 5 puntos e durarán un mínimo de 12,5 minutos
O goberno local sacou a licitación o contrato, dotado de 260.000 € e que inclúe o audiovisual
REDACCIÓN
A Xunta de Goberno aprobou onte o expediente para a contratación do espectáculo dos Fogos do Apóstolo deste ano, cun orzamento base de licitación de 259.994,52 euros IVE engadido. O obxecto é o deseño, produción e realización do espectáculo pirotécnico das festas de xullo. Para executalo empregaranse cinco puntos da cidade desde os que se realizarán disparos sincronizados para crear un conxunto harmónico temporal e estético.
Os puntos de disparo deben manter as distancias de seguridade a vivendas e instalacións que esixe a normativa vixente sobre pirotecnia. Estes puntos son Santa Susana, Escalinata de Fontiñas (Parque Carlomagno), Cidade da Cultura, Parque Eugenio Granell e As Cancelas.
O espectáculo do día 31 de xullo será disparado desde un único punto: a Cidade da Cultura. A hora prevista para ambos espectáculos son as 23.30 horas, e terán unha duración mínima, segundo establece o prego de contratación, de 12 minutos e 30 segundos. O deseño da proposta técnico-artística, producción, realización e execución dos espectáculos pirotécnicos, corre a cargo da empresa adxudicataria. Igual que a subministración do material pirotécnico necesario, avalado e catalogado pola Unión Europea, e fabricado con materiais biodegradables e sen a presenza de percloratos.
O goberno municipal tamén aprobou a contratación dun sistema de detección e resposta nos equipos de usuario (EDR ou Endpoint Detection and Response) para os próximos 5 anos. A solución EDR consiste na instalación dun software nos 850 equipos informáticos dos funcionarios conectados á rede de datos do Concello de Santiago.
- Deportes Cibeira echa el cierre después de 45 años: “Con algunos clientes te saltan las lágrimas”
- Un hotel de Santiago se cuela entre los mejores de España al ganar la nueva distinción de la Guía Michelin
- Un alumno del Colegio Peleteiro de Santiago arrasa en la Olimpiada Española de Química: se lleva el bronce tras hacer doblete en Galicia
- Crónica social compostelana | Jubilación en Monte do Gozo
- Una mirada al pasado de Santiago en color: así era la Compostela de principios del siglo XX
- El informe municipal sobre la actuación de la Panorama en el Obradoiro es negativo: ¿Habrá cambio de escenario?
- El parricidio de Brión: la muerte a hachazos del Dr. Antonio Pensado estremeció a la sociedad compostelana
- Cuatro aviones Eurofighter sobrevuelan Santiago y realizan maniobras en el Aeródromo Militar de Lavacolla