Lourenzo Fernández ingresa como académico de número da RAG
A sesión extraordinaria pública celebrarase este sábado no teatro Jofre de Ferrol, a cidade na que medrou
Lourenzo Fernández Prieto (A Devesa-Ribadeo, 1961) ingresa este sábado na Real Academia Galega como membro de número. A sesión extraordinaria pública celebrarase no teatro Jofre de Ferrol, a cidade na que medrou, a partir das 12:00 horas. O catedrático de Historia Contemporánea da USC dará lectura ao discurso titulado A memoria, a historia e a política. A esquecida polémica Cela versus Paz-Andrade sobre a lexitimidade democrática, a memoria republicana e a Autonomía de Galicia en xullo de 1977, ao que lle dará resposta en nome da institución o coordinador da Sección de Historia, Ramón Villares. Lourenzo Fernández Prieto ocupará a vacante producida no ano 2020 a consecuencia do pasamento da poeta Luz Pozo Garza.
Lourenzo Fernández Prieto centra a súa investigación en dúas grandes liñas: a historia agraria contemporánea e o estudo da guerra civil e do franquismo. Na primeira destaca pola perspectiva innovadora que aplicou no estudo das sociedades rurais e do cambio tecnolóxico agrario, que se ocupa das relacións entre a agricultura e a ciencia agronómica e, de forma complementaria, da análise da historia do mundo agrario e a sociedade rural cun enfoque ambientalista.
Temas
Más en Santiago
-
La USC nombra dos nuevos doctores "honoris causa"
-
Urbanismo ultima o concurso de ideas para “repensar” o deseño do eixo A Senra-Virxe da Cerca
-
O principio de acordo para o párking do CHUS une ao PP e a Raxoi pero o PSOE veo como “papel mollado”
-
Un recurso complica la contratación de las obras para terminar de rehabilitar el Palacete do Espiño