O PP de Santiago esixe explicacións ao BNG polo "incumprimento" do prego da concesionaria da basura

Os concelleiros del PP Adrián Villa e Olaya Otero recibiron esta semana aos membros do comité de empresa da concesionaria da recollida e xestión do lixo en Santiago de Compostela, encabezados polo seu presidente, Ricardo Méndez. Os 'populares' interesáronse así pola situación dos traballadores logo de coñecer, a pasada semana, que houbo un parón a causa do incumprimento no convenio de rotacións e no servizo de recollida.

Os edís manifestaron así a súa preocupación pola "falta de maquinaria e materiais que figuran no contrato" que o Concello e a empresa concesionaria asinaron a finais do mes de febreiro de 2022. Adrián Villa afirmou que “estamos ante o contrato dun servizo fundamental para a cidade polo que, tan só ano e medio despois da súa sinatura, non é razoable que provoque problemas para a correcta recollida dos residuos”.

Raxoi confía en acelerar la llegada de la nueva flota y maquinaria del servicio de recogida de basura

Desde o comité de empresa púxose de manifesto a falta de persoal pero, sobre todo, a falta dos camións de recollida comprometidos, sen os cales a recollida é máis complicada ao non haber unha adaptación entre os vehículos e os novos colectores. Neste senso, denunciou Villa, “é incomprensible que máis dun ano despois da posta en marcha do novo contrato sigan sen estar a disposición os medios que obrigaba a licitación e que o goberno non contemple ningún tipo de penalización por incumprimento de contrato”. Así o concelleiro destacou que “estamos a falar dun total de 25 cinco vehículos” que se reparten en 5 de carga traseira e doce de carga lateral, ademais de dúas barredoras de calzada, dúas cisternas grandes e catro baldeadoras eléctricas, e sinalou que “non é que falten un ou dous por entregar, faltan todos e aquí non pasa nada”.

Nestes días o comité tamén celebrou unha reunión no Pazo de Raxoi, coa presenza do concelleiro de Medio Ambiente e doutros dous edís do goberno. Villa aproveitou para lembrar que “a alcaldesa non estaba presente nesa reunión. Isto pon de manifesto a preocupación que ten. Pasotismo puro e duro”. O edil tamén criticou que, “logo de coñecerse o paro da pasada semana e coa cantidade de xente que hai na nosa cidade, é incrible que o goberno nacionalista pospoña a reunión para o mes de setembro”. “Un contrato de 100 millóns de euros non é unha cuestión menor. Xa pasou un prazo máis que suficiente para que o servicio se adapte ao contrato asinado”, indicou.