A Anpa do Peleteiro dona 1.710 quilos ao Banco de Alimentos
A Asociación de Nais e Pais de Alumnos (ANPAP) do Colexio M. Peleteiro – Dolores Ramos levou a cabo un ano máis a campaña de Nadal, neste caso en beneficio do Banco de Alimentos de Santiago. Na semana do 11 ao 15 de decembro os alumnos do colexio e as súas familias reuniron 1.710 quilos e, a maiores, fíxose unha doazón económica de 545 euros.
A ANPAP do Colexio Manuel Peleteiro – Dolores Ramos destaca o compromiso dos alumnos, que colaboraron en todo momento de xeito exemplar co desenvolvemento da campaña de recollida de alimentos. Na mañá onte, informan nunha nota de prensa, foron entregados ó Banco de Alimentos de Santiago nun acto no Colexio Manuel Peleteiro ao que acudiu o director da entidade, José Pita, alumnos, profesores, a dirección do centro e representantes da ANPAP.
Dende a asociación de nais e pais destácase “a traxectoria exemplar das familias e dos alumnos do Colexio M. Peleteiro en cada chamamento á solidariedade que se ven facendo ano tras ano, así como o compromiso da comunidade educativa e da dirección do centro”.
Temas
Más en Santiago
-
Hondo pesar en Santiago por la muerte de José Benito Cao, presidente del Grupo JB Cao
-
Guía para exprimir al máximo O Son do Camiño 2024: horarios, cómo llegar y novedades del festival
-
Esta es la catedral más excepcional de España según National Geographic y no, no es la de Santiago
-
O Concello estudará co arcebispado a apertura ao turismo do patrimonio relixioso da cidade