Como actuar en situacións violentas: 14 mulleres de Santiago aprenden autodefensa no Restollal
O curso promovido polo CIM e a secretaría xeral de Igualdade da Xunta desenvolveuse no pavillón polideportivo do barrio en dúas sesións de 4 horas o 4 e o 18 de marzo
Unhas 14 mulleres asistiron os días 4 e 18 deste mes ao curso de autodefensa convocado polo CIM (Centro de Información á Muller) de Santiago e apoiado pola secretaría xeral de Igualdade da Xunta de Galicia. Unha convocatoria anual destinada a preparar as mulleres ante unha posible situación de violencia ou agresión e para a que se conta coa colaboración da Federación Galega de Loita e da Academia Galega de Seguridade Pública.
“Damos algúns consellos, recursos básicos e sinxelos que poden estar ao alcance de calquera, sen necesidade de ter unha determinada condición física e independente da idade”, explica José Luis Cao, o monitor que nestas dúas xornadas impartiu o curso no pavillón deportivo do Restollal. “Incidimos moito na prevención, en evitar segundo que situacións, pero cando isto non se consegue tamén aprendemos a resolvelas, non se trata dun curso para pelexar nin para enfrontarse a alguén, senón saír desa situación complexa dunha maneira máis ou menos rápida”.
E tamén na prevención incide unha das participantes no curso, Pilar, que pon en valor a autoestima, “somos capaces de defendernos”, e a necesidade de aprender a traballar a “alerta” para conseguir esta prevención. “Coñecer os propios límites, entender que podemos evitar os perigos, que debemos estar alerta, que non sempre o estamos” é para esta usuaria unha das maiores aprendizaxes recibidas no curso.
“Sempre pensamos que non nos vai pasar a nós, tampouco se trata de meter o medo no corpo, senón simplemente de ser conscientes de que, moitas veces, por exemplo, imos pola rúa con cascos ou co móbil, pasando de todo, pero están a ocorrer cousas ao noso arredor”, incide esta compostelá.
Esta participante, que xa realizou noutro momento un curso semellante, “máis relacionado coa violencia de xénero” e que defende que se trata dunha aprendizaxe non só física, senón tamén mental, “por suposto que hai unha técnica, pero é importante a parte psicolóxica, entender que estamos rodeadas de xente ou nunha circunstancia determinada” polo que é “importante coñecer o espazo no que nos atopamos, no que nos movemos, os límites que temos, que é o alleo ou o estrano nese contexto, ter un radar”, afirma.
Durante o curso de autodefensa, que imparten sempre membros dos corpos e forzas de seguridade do Estado, trátase contidos teóricos, vencellados “coa normativa da defensa lexímita”, explica Cao, ademais de traballar técnicas de agarres, aprender a liberarse deles ou saber como defenderse dende o chan, “cando caemos ou cando nos agraden e estamos no chan”, lembra o monitor. Así mesmo, o curso tamén tratou a maneira de defenderse cando na agresión interveñen armas blancas.
- Ocio nocturno en Compostela: un viaje nostálgico a la era dorada de los 80 y 90
- Así es el original mirador de Santiago que permite sacar la fotografía más buscada de la Catedral
- El creador de ‘El caso Asunta’ revela nuevos detalles de la ficción que narra el crimen más mediático de Santiago de Compostela
- La USC nombra dos nuevos doctores "honoris causa
- Lavacolla se prepara para recibir a los viajeros de los vuelos desviados por el cierre de Peinador
- Así es el impresionante palacete que recuerda a Downton Abbey: a la venta en Santiago de Compostela
- Joyas de Compostela: el arte de la orfebrería santiaguesa que los ourives han sabido preservar
- Detenido un joven en un piso de Santiago tras intervenirle cinco kilos de hachís y un centenar de pastillas