Medalla de Ouro da Avogacía compostelá para o excomisario da Policía Nacional Enrique León
Distinguirá a Feafes e aos colexiados Ángel María García Fernández e Otilia Sánchez Garrido
O Colexio da Avogacía de Santiago celebrará o venres 5 de abril a súa festividade anual, San Raimundo de Peñafort, á que asistirán máis de 300 persoas. O acto central será no salón noble de Fonseca ás 19.00 horas. “E unha xornada moi especial para o colexio, a nosa gran festa e sobre todo un lugar de encontro para os colexiados, colexiadas e numerosas autoridades dos ámbitos xurídico, político e civil de Santiago e Galicia”, indica o decano do Colexio, o avogado Francisco Rabuñal.
No acto farase entrega da Medalla de Ouro do colexio a Enrique León Calviño, que foi comisario da Policía Nacional en Santiago, pola súa traxectoria profesional e a súa constante colaboración coa avogacía e co conxunto da xustiza durante moitos anos.
Despois de facer o bacharelato, Enrique León aprobou as oposicións a policía, e logo de traballar durante dous anos en Barcelona, en 1970 foi destinado a Vilagarcía de Arousa. En 1995 ascendeu a comisario xefe e en 1999 asumiu a xefatura da brigada da Unidade de Drogas e Crime Organizado de Galicia, adicándose a combater co seu equipo o narcotráfico en Galicia, principalmente a entrada de sustancias estupefacientes por vía marítima a través das rías galegas. En 2001 foi destinado como comisario en Santiago, onde permaneceu ata 2006. Nese momento, por motivos de idade, pasou á situación de segunda actividade sen destino, e aceptou a oferta de entrar en política. Presentouse como candidato socialista á alcaldía de Vilagarcía de Arousa, logo da retirada do anterior rexedor.
Premio de Dereitos Humanos
Por outro lado, o XIV Premio de Dereitos Humanos que concede o Colexio da Avogacía compostelá será para Feafes-Santiago, a Federación de Asociacións de Familiares e Persoas con Enfermidade Mental, polo seu traballo para normalizar e mellorar a atención aos pacientes con doenzas mentais. Recibirán tamén a insignia de Ouro os colexiados Ángel María García Fernández e Otilia Sánchez Garrido, que cumpren 40 anos de exercicio profesional.
O acto completarase coa entrega de diplomas aos colexiados e colexiadas que cumpren 25 anos de exercicio profesional e a xura ou promesa de novos letrados e letradas. A xornada rematará cunha cea-baile para todos os participantes no hotel Puerta del Camino.
- El dueño de un bar de Santiago y otras dos personas acaban en el hospital tras ingerir sin saberlo un pastel de marihuana
- Deportes Cibeira echa el cierre después de 45 años: “Con algunos clientes te saltan las lágrimas”
- Crónica social compostelana | Jubilación en Monte do Gozo
- La empanada esculpida en el Pórtico de la Gloria: el manjar que los godos trajeron a Galicia
- El parricidio de Brión: la muerte a hachazos del Dr. Antonio Pensado estremeció a la sociedad compostelana
- Confirmada la Panorama en Santiago: Raxoi hace oficial el lugar de la actuación pese a las advertencias de Apatrigal
- Los futuros médicos celebran su graduación por todo lo alto en el Multiusos Fontes do Sar
- Un coro xigante canta en Compostela 'Grândola, Vila Morena