Amicos leva ás rúas boirenses a mostra informativa do autismo
Os escolares desfrutaron dun xogo que consistía en adiviñar palabras relacionadas co autismo
A exposición itinerante impulsada por Amicos con motivo do Día Mundial da Concienciación sobre o Autismo chegou a Boiro, despois de visitar Ribeira, Porto do Son e A Pobra do Caramiñal. No acto de presentación participaron o alcalde, José Ramón Romero; a vicepresidenta de Amicos, Digna Iglesias; o director xeral da entidade, Xoán España; e alumnado do CEIPP Praia Xardín e do CEEPR Amicos.
Os escolares desfrutaron dun xogo que consistía en adiviñar palabras relacionadas co autismo, e despois deron lectura a un manifesto para reclamar unha educación de calidade que se adapte ás necesidades e circunstancias de todo o alumnado. Tamén destacaron a necesidade de accións que favorezan a inclusividade.
Despois presentouse a exposición, que se poderá ver ata o día 21 na rúa peatonal Doutor Santos Mieites, fronte á Panadería Susi. A mostra consiste en tres tótems con información sobre o trastorno do especto autista e busca sensibilizar sobre a realidade das persoas con autismo.
Temas
Más en Barbanza
-
La SEA desempolva el proyecto del macro polígono barbanzano ante la “alta demanda” de suelo industrial
-
Aromas de café en el Pazo de Goiáns
-
A Pobra activa un servicio gratuito de asesoramiento para 70 comerciantes
-
Malestar entre la vecindad de Noia por otro episodio de contaminación en la red de agua