Conta atrás para as Festas de San Marcos de Noia
Arrancan coa exposición da maquinaria agrícola e a tradicional Feira Cabalar » Haberá concertos, verbena e xogos para os nenos
B.C.
Noia vive dende mañá, 25 de abril, e ata o domingo 28 unha das citas máis agardadas no municipio: as festas de San Marcos. O tradicional festexo arrancará cunha exposición de maquinaria agrícola na rúa Escultor Ferreiro e en Porta da Vila, e ás 10.00 horas inaugurarase un dos pratos fortes de sempre: a Feira Cabalar en San Lázaro. Ao mediodía oficiarase a misa solemne con procesión en Santa Cristina de Barro. A verbena estará amenizada pola orquestra París de Noia.
O venres 26 haberá un concerto da Banda de Música de Noia ás 18.00 na Praza da Constitución; así como outro de Xisco Feijoó ás 21.30 en O Tapa. A verbena correrá a cargo da orquestra New York.
O sábado 27 os máis pequenos poderán gozar dos inchables na rúa do Curro; haberá concerto en O Tapal ás 21.30 con Flow del Norte, Boomers e co tributo a Sabina de Los del pirata cojo. A verbena estará protagonizada por Metrópolis.
O último día, o domingo 28, haberá dúas foliadas con grupos da zona (ás 11.00 e ás 17.00). O programa pecharase coa actuación de Trobeiros da Ponte ás 20.00 na rúa do Curro.
As Festas de San Marcos chegan repletas de novas actividades, dispostas a superarse e a atraer tanto a veciños como xente da contorna. Durante catro xornadas, as rúas da vila énchense de millóns de persoas que desfrutan do amplo programa lúdico e cultural das festas, que inclúe atraccións de feira, verbena, concertos, música tradicional, exhibicións deportivas, mostras de pinturas, entre outras actividades.
Ademais, como se dixo, o propio día 25 teñen lugar dous importantes eventos tradicionais: a feira cabalar, unha das máis antigas de Galicia, onde ademais da compravenda de cabalos hai tamén exhibicións de beleza, concursos hípicos e certames de raza que atraen a público de toda Galicia; e a feira de maquinaria agrícola e industrial, onde se expoñen as últimas novidades do sector.
Este ano o cartel da festa realizouno o veciño de Noia Alfonso Barreiro, máis coñecido como Fon, “gran debuxante e ilustrador”, indican dende a organización.
ESPECIAL PDF DAS FESTAS DO SAN MARCOS EN NOIA 2024
ESPECIAL PDF DAS FESTAS DO SAN MARCOS EN NOIA 2024- El Correo Gallego - Diario de la capital de Galicia
- Cesa el equipo directivo por los problemas de convivencia que lleva meses sufriendo el Instituto do Milladoiro
- El eucalipto de Galicia prepara su camino para convertirse en ropa
- Lavacolla se prepara para recibir a los viajeros de los vuelos desviados por el cierre de Peinador
- Devuelven unos 4.000 euros que escupió un cajero automático en Lalín tras ingresarlos un vecino
- La nueva tableta de chocolate con galleta revoluciona Mercadona: cuesta 1€ y dicen que es mejor que el de Nestle
- Crónica social compostelana | La familia De la Iglesia se reúne en honor a sus padres
- Moonoff, la firma que nació en un garaje de Santiago y ahora ilumina tres continentes