A Pobra estreará unha pasarela na Mercé, e Castelao presidirá a renovada rotonda de Té
O alcalde da Pobra, Lois Piñeiro, presentou este xoves o proxecto da pasarela peonil de 135 metros que unirá A Mercé coa entrada ao Camiño Real, a carón da estrada comarcal AC-305. A intervención busca mellorar a seguridade e mobilidade peonil no itinerario do Camiño de Santiago do Barbanza A Orixe.
O orzamento é de 131.804 € (93.677 procedentes da Deputación da Coruña e 38.126 do Concello).
A senda permitirá continuar o tránsito peonil tras a subida ao cruceiro da Mercé, evitando así ter que cruzar dúas veces a estrada para circular a pé en condicións de seguridade ata o inicio do Camiño Real.
Pola súa banda, o Concello de Rianxo iniciou a reforma da rotonda de Té, a principal arteria de entrada á vila dende a autovía. O deseño é de Xardinería Saborido e a execución técnica correrá a cargo da empresa Tarrío y Suárez. O orzamento é de 40.000 €. Simbolizará a rosa dos ventos cos catro puntos cardinais sinalizados coas súas iniciais, ás que se engadirán as letras de topónimo Rianxo, de metro e medio de altura, iluminadas e ca tipografía Gallaecia, inspirada en Castelao (persoeiro principal do concello que, á súa vez, terá unha imaxe icónica de case catro metros de altura elaborada en aceiro presidindo a rotonda).
Temas
Más en Área
-
Estabilizada la incidencia de la gastroenteritis en los colegios de Ames al sumar apenas seis casos en las últimas horas
-
“Chamarei ás portas que faga falta para sacar adiante o que os veciños precisan”
-
Dodro presenta a obra que gañou o premio Baleirón e Boqueixón e A Baña entregan os seus galardóns das Letras
-
Detectan decenas de casos de gastroenteritis en el colegio de Ventín Ames e investigan la comida del comedor