Unha reforma dotará ó CEIP Cernadas de Castro de novo teito e de illamento exterior
Redacción
O delegado da Xunta na Coruña, Gonzalo Trenor, acompañado pola alcaldesa de Lousame, Teresa Villaverde, visitou este xoves o CPI Cernadas de Castro para anunciar un investimento de máis de 590.000 euros para levar a cabo a substitución das fiestras e a renovación do sistema de illamento térmico exterior do edificio de Infantil e da parte nova do edificio principal. As obras serán acometidas durante o verán para que o colexio estea listo para o inicio do curso 2023-2024.
“Imos licitar inmediatamente esta actuación, moi importante para proporcionarlle ao centro un illamento exterior e para substituír todas aquelas fiestras por un modelo moito máis actual que mellore tanto o illamento térmico como acústico”, anunciou o delegado da Xunta, quen salientou que “este é un dos centros onde a colaboración entre o equipo directivo do colexio e o Concello é máis evidente”.
Pola súa banda, a directora do colexio lousamiá, Pilar Cobas, agradeceulle á Xunta “que o noso centro fose un dos elixidos no marco do programa de Arquitectura Pedagóxica e ao Concello porque a colaboración con eles foi plena dende o primeiro momento”.
Así mesmo, anunciou que “imos abordar dúas obras máis pequenas, como a renovación do teito do pavillón de Infantil, que é a única que non ten a cuberta nova, e poremos unha pasarela entre dúas zonas cubertas porque temos problemas de humidades e ás veces queda desaproveitado o patio cuberto cando chove moito”.
- “A nivel salarial non está en absoluto recoñecido o labor que fan os alcaldes”
- Ames executa obras por valor de 2,76 millóns en Bertamiráns, Milladoiro e núcleos rurais
- O PP de Teo aproba delegar na Xunta o reforzo policial, pero rexeita a moción contra Altri no Ulla
- Ordes enxalza os champiñóns e A Estrada acolle as actividades do Día da Xuventude
- Maio Vintage: Boiro revive os anos oitenta cun mercado retro
- El 'hotel rosa' de Vedra, entre los diez mejores alojamientos de España para la Guía Michelín
- Boiro celebra o Día da Danza cun espectáculo protagonizado por cincuenta bailarinas de ballet
- La Inspección auditará el IES do Milladoiro para atajar la conflictividad