Alumnos de cociña de Carballo fórmanse en plantas aromáticas
A iniciativa constou dunha masterclass a cargo da enxeñeira técnica agrícola e paisaxista Carmen Alonso Diéguez
O alumnado de cociña do obradoiro de emprego Fórum Dual de Carballo sabe moito máis sobre plantas aromáticas grazas á colaboración do servizo municipal de xardíns, que organizou unha masterclass impartida pola enxeñeira técnica agrícola e paisaxista Carmen Alonso Díaz, responsable tamén do deseño das zonas verdes e da elaboración do catálogo de árbores do municipio.
A xornada didáctica incluíu unha primeira parte teórica na que, por unha banda, a técnica explicou a evolución e o uso das plantas aromáticas ao longo da historia, na que as especias mesmo chegaron a ser moeda de cambio. Tamén explicou os usos actuais que teñen, tanto o culinario, de especial interese para o alumnado, como o farmacéutico, o cosmético ou o agrícola, sobre todo como repelentes e/ou detectoras de pragas e enfermidades.
Por último, abordouse o cultivo das herbas aromáticas. A xornada rematou cunha plantación no horto da Escola de Hostalería de Carballo, á que se sumou o alcalde, Evencio Ferrero.
Temas
Más en Área
-
Ribeira pon en valor o traballo das mulleres no mar
-
Iago Toba denuncia que BNG, PP e Independientes negocian una moción de censura en Muxía
-
El festival Bacanito, que se celebrará en Boiro los días 12 y 13 de julio, confirma ya un cartel de 19 DJ’s
-
O melidense Vicente Vázquez Vidal gaña o premio Francisco Añón de poesía na categoría de maiores de 18 anos