A compañía foi a primeira en obter o prestixioso selo que outorga o Club de Excelencia

Congalsa foi a primeira empresa española de alimentación que conqueriu o prestixioso selo EFQM 600, que outorga o Club de Excelencia e distingue, segundo estándares internacionais, ás organizacións que buscan mellorar a excelencia na súa xestión.

Esta certificación avala os puntos fortes da compañía, como o seu funcionamento, gobernanza e a cultura da creatividade e innovación,

A tecnoloxía e a innovación aplicadas para obter un valor engadido son tamén sinais de identidade de Congalsa que lle axudaron a obter este selo, que pon ademais en valor a eficiencia operativa da compañía e acredita que os seus resultados estratéxicos avanzan en clara tendencia positiva. A maiores, a certificación recoñece que os diferentes grupos de interese da empresa teñen percepcións moi consolidadas e favorables sobre eles.

Sostibilidade e medio ambiente son outros dos piares sobre os que se asenta Congalsa. A este respecto, a compañía aposta firmemente polo desenvolvemento de programas e políticas que permitan o control dos recursos pesqueiros con responsabilidade. Cren na necesidade de traballar activamente con todos os escalóns da cadea alimentaria para garantir a sostibilidade.