A Carballeira dos Trasgos gaña habitantes e afiánzase como espazo de ocio en Ames
O Concello incorpora cinco novas figuras ao carballal de Paramuíño, que ocupa 8.000 metros cadrados
Cada vez son máis as familias que se achegan á zona para pasear
Redacción
Na Carballeira de Paramuíño, situada moi preto do CEP de Ventín e do campo de fútbol de Biduído, residen dende hai uns días cinco novos ‘habitantes’, que veñen a sumarse aos que moran no lugar dende que a comezos de ano o Concello de Ames realizou a primeira intervención na zona para poñer en valor a flora e a fauna do lugar e recuperalo para uso e desfrute das familias amesás.
As novas figuras coas que conta a carballeira situada na parroquia de Biduido, que ocupa uns 8.000 metros cadrados, son unha xeneta, unha bubela, unha víbora, una avelaíña e una xoaniña, que agora comparten espazo coa vacaloura, a bolboreta macaón, a donosiña, a curuxa, a píntega e o peto real que chegaron ao lugar a comezos de ano. Naquela primeira intervención tamén se recrearon distintos seres habituais dos contos e lendas galegas, como trasgos ou damas.
A intención do Goberno local é seguir sumando figuras a unha zona de lecer que cada vez é máis frecuentada polas familias do municipio, fundamentalmente dos arredores de Biduido e O Milladoiro.
A recreación realizada na carballeira, a través da Aula da Natureza do Concello de Ames, correu a cargo da empresa amesá Escenoset.
Para dar a coñecer as novas figuras, que foron colocadas esta semana, realizouse unha visita á Carballeira dos Trasgos na que participaron o alcalde, Blas García; o concelleiro de Xestión do Medio Natural, Javier Antelo; a técnica da Aula da Natureza, Patricia Reboreda; e alumnado de sexto de educación infantil do CEIP Agro do Muíño.
“Este é un proxecto que está tendo moi boa acollida dende a súa posta en marcha”, salientou o rexedor. “É algo de todos os veciños e veciñas, que debemos coidar. Esperamos que a xente continúe vindo visitar este espazo tan acolledor”, engadiu Blas García.
Pola súa banda, o concelleiro Javier Antelo salientou que a actuación permite poñer en valor un espazo de gran importancia ambiental como é a Carballeira de Paramuiño e animou os veciños a achegarse á zona para pasear e descansar.
- El Correo Gallego - Diario de la capital de Galicia
- Un rincón propio de Asia que se esconde en Galicia: tiene un puente colgante y está a menos de una hora de Santiago
- Una estadounidense conduciendo por A Illa de Arousa se queja de algo muy común en toda Galicia: '¿Cómo lo hacen?
- ¿Hasta cuándo van a durar los efectos de la borrasca que afecta a Galicia desde el lunes?
- Estrella Galicia lanza la canción del verano: así suena el tema compuesto por un popular artista compostelano
- La tienda temática de Harry Potter más grande de España abre sus puertas en Santiago
- La cifra de alumnos y personal del colegio de Ventín con cuadro de diarrea roza los 60 y la Xunta tomó ya muestras de la comida
- A residencia de estudantes do antigo hospital de Galeras funcionará como hotel durante o verán