A Pobra acondicionou o centro de acollida de animais abandonados
Suso Souto
O compromiso do Concello da Pobra co benestar animal dá un paso máis coa mellora das instalacións do centro de recollida. O alcalde e titular da concellería de Benestar Animal, José Carlos Vidal, explica que remataron xa os traballos de acondicionamento da zona de esparexemento. Efectuouse a pavimentación do patio exterior do recinto, a construción dun muro de contención e a mellora na canalización de pluviais para a eliminación de filtracións no inmoble. O investimento situouse en preto dos 25.000 euros, IVE incluído, a cargo do remanente da Tesourería, e a obra foi executada por Excavaciones Nima. Con relación a esta intervención, o mandatario local manifesta que “este goberno séntese orgulloso deste tipo de accións; de lles dar unha oportunidade aos animais que foron apartados a un lado, abandonados ou maltratados, polo cal, mentres non sexan adoptados e estean baixo a custodia do Concello, sempre terán unhas condicións de vida dignas.”
Tamén agradeceu o labor da Protectora Moura.
- “A nivel salarial non está en absoluto recoñecido o labor que fan os alcaldes”
- Ames executa obras por valor de 2,76 millóns en Bertamiráns, Milladoiro e núcleos rurais
- O PP de Teo aproba delegar na Xunta o reforzo policial, pero rexeita a moción contra Altri no Ulla
- Ordes enxalza os champiñóns e A Estrada acolle as actividades do Día da Xuventude
- Maio Vintage: Boiro revive os anos oitenta cun mercado retro
- Boiro celebra o Día da Danza cun espectáculo protagonizado por cincuenta bailarinas de ballet
- Incautan 244 quilogramos de peixe que excedían o cupo diario dunha embarcación de Porto do Son
- La Inspección auditará el IES do Milladoiro para atajar la conflictividad