Mar de Fábula pide ao Seprona que investigue a acumulación de pélets e microplásticos en Caión
Vinte voluntarios limparon o areal das Salseiras
Avogan por involucrar a autoridades e sociedade para pechar as "billas de contaminación"
Vinte voluntarias e voluntarios atenderon a chamada de Mar de Fábula para limpar o areal das Salseiras, en Caión (A Laracha), onde recolleron bastonciños de algodón (334), aplicadores de tampóns (11), cabichas e boquillas de plástico (9), tapóns (135), cordas e cordeis (19), plásticos de bateas (12), precintos de cremas solares (9) e milleiros de microplásticos e pélets de resina.
A presidenta de Mar de Fábula, Virginia Barros, confirmou ademais que “dende hai un mes temos posta unha denuncia ante o Seprona para investigar a posible orixe en terra dos pélets, pois negámonos a aceptar como normal esta situación”.
Mar de Fábula constata que a praia de Barrañán non acada o Bo Estado Ambiental
Anunciou ademais que volverán á praia das Salseiras “con máis medios e forzas renovadas para intentar devolverlle a dignidade”. Non obstante, entende que as accións dos voluntarios “deberían ir da man das autoridades e organismos pertinentes para ir pechando as billas de contaminación. Se non facemos entre todos o que esté nas nosas mans, estaremos desprezando a nosa casa grande, o noso planeta”.
Temas
Más en Área
-
La Semana Verde Abanca va a incluir albóndigas de potro, rapa das bestas y a un niño de 7 años manejando cerdos
-
La Festa do Salmón, tres días de disfrute en A Estrada
-
Dubra esgotará a vía xurídico-administrativa e mobilización social para evitar que instalen un vertedoiro en Niveiro
-
Chequeiras de 30 euros para que 1.330 laracheses aposten polo consumo de proximidade