As axudas para facilitar a conciliación das persoas autónomas poden solicitarse desde este martes
Os tres bonos dispoñibles apoian a contratación de persoas substitutas na baixa por maternidade ou paternidade e o coidado de menores, maiores e/ou persoas dependentes.
ECG
A Consellería de Promoción do Emprego e Igualdade publica hoxe no Diario Oficial de Galicia (DOG) a convocatoria de axudas coas que o Goberno galego apoia a conciliación das persoas traballadoras autónomas. Invístese a este fin un total dun millón de euros para conceder apoios para que as autónomas e autónomos poidan contratar a persoas que as/os substitúan no período de baixa por maternidade ou paternidade; e para o coidado de menores, maiores e/ou persoas depedentes. Financiánse tamén, ademais das contratacións de persoas, os servizos de coidados de menores, maiores e/ou persoas dependentes.
As axudas, que se poden solicitar desde mañá e ata o próximo 29 de setembro, outorgaranse para as contratacións iniciadas entre o 1 de outubro de 2022 e o 29 de setembro de 2023, por un período mínimo de seis meses e máximo dun ano.
O programa autonómico inclúe ata tres tipos de bonos, acumulables entre si. Co bono concilia I apóianse as contratacións que sexan realizadas por unha persoa traballadora autónoma, unha vez rematada a súa baixa por maternidade ou paternidade e tiveran ou teñan lugar entre o 1 de outubro de 2022 e o 29 de setembro de 2023. Financiaranse, en concreto, as contratacións que se realicen a persoas desempregadas ou coa mesma persoa que se teña ou tivera un contrato de interinidade por maternidade ou paternidade por unha duración mínima de seis meses.
O bono concilia II axuda o colectivo dos autónomos á contratación de persoas durante un período de entre seis meses e un ano para o coidado de menores, maiores e/ou dependentes. Financiaranse as contratacións que se inicien ou inciaran entre o 1 de outubro e o 29 de setembro de 2023.
A contía destes dous apoios poden acadar os 12.000 euros, xa que se conceden axudas de 6.000 euros por cada bono.
Pola súa banda, o bono concilia III permite apoiar os servizos de coidados de menores, maiores e/ou depententes, que se realizaran o realicen entre o 1 de outubro de 2022 e o 30 de setembro de 2023. Neste caso, finánciase o 75% do custe do servizo, ata un máximo de 3.000 euros.
O colectivo de autónomos, xunto coas pequenas empresas, conforma o 97% do tecido produtivo galego. Trátase de proxectos empresariais que sosteñen maioritariamente a economía das familias galegas, polo que é un colectivo prioritario para a Xunta de Galicia. Con estes apoios, a Consellería de Promoción do Emprego e Iguadalde segue apostando pola conciliación e corresponsabilidade das persoas traballadoras de Galicia, no caso dos autónomos, para facilitar a continuidade e consolidación dos seus proxectos empresariais.
As axudas forman parte da nova Estratexia para o emprego da Xunta de Galicia, Xempre Contigo, para xerar en Galicia máis emprego de calidade e apoiar o emprendemento en todas as súas fases; e da nova Axenda de impulso ao emprego autónomo 2023-2026.
- Muere ahogado en una piscina de un hotel de Castellón un menor gallego de 16 años
- Salen a la venta los abonos para uno de los festivales más singulares y cuidados de Galicia
- La privatización de la sanidad gallega avanza a menor ritmo que el conjunto de España
- Tiempo estable en Galicia que mantiene la influencia anticiclónica... ¿Hasta cuándo?
- Quejas ante la Valedora do Pobo: el plan de un grupo de padres contra por el “abuso” de las pantallas en las aulas
- ¿Funciona bien el libro digital de la Xunta? Anpas Galegas pregunta a los padres
- Concertar una cita previa en las oficinas de la DGT: “misión imposible” por falta de personal
- El TC declara inconstitucional la norma de la Xunta para regularizar edificaciones en la costa