Verea promete desbloquear o proxecto do hospital Xeral e que inclúa un supermercado
O líder popular asegura que tamén rematará o Palacete do Espiño tras quedar a obra a medias
O candidato do PP á Alcaldía de Santiago, Borja Verea, mantivo unha xuntanza coa veciñanza do barrio santiagués de Galeras, onde se comprometeu a liderar a solución ao proxecto do hospital vello tan pronto chegue a Raxoi e sacalo desa situación de colapso que leva anos enquistada. Para o popular, este solar sería a ubicación ideal para a instalación dun supermercado que lle dea servizo a toda a zona, que nos últimos anos medrou de forma notable. Verea lamentou ademais “a falta de liderado do goberno socialista nun asunto clave para este barrio e dun edificio tan emblemático para a cidade”, e salientou que “o que vai conseguir o Concello se continúa poñéndose de costas a este proxecto é que a construción se veña abaixo e despois xa non haberá nada que protexer”.
Bugallo confía en que la USC y el comprador alcancen un acuerdo para recuperar el hospital Xeral
O próximo 2 de xuño cumpriranse 20 anos do cesamento da actividade do vello hospital Xeral. Desde entón, o edificio -que conta coa fachada, a fonte e a escalinata catalogadas como elementos de patrimonio cultural-, foise deteriorando ata o punto de ser declarado como ruína polo Concello de Santiago. Pero a súa posible rehabilitación aínda podería demorarse. A venda do inmoble, propiedade da Universidade de Santiago (USC), á empresa de xestión de activos inmobiliarios Asteriscos Real Está está xudicializada. A USC teme que o litixio se prolongue con recursos ata chegar ao Tribunal Supremo.
A reunión de reunión inclúese dentro das distintas conversas con entidades veciñais, sociais, culturais e deportivas que leva mantendo o candidato do Partido Popular desde hai máis de dous anos.
Tamén explicou que, se o vindeiro 28 de maio os veciños de Santiago lle dan a súa confianza, outro dos seus obxectivos é o de sacar adiante o proxecto da finca do Espiño, nun total estado de abandono e cunha obra inacabada pola “incapacidade de xestión do goberno socialista que anunciou a bombo e pratiño a súa rehabilitación e o que temos agora aí é unha grúa abandonada e un espazo mal valado que está a ser usado para o botellón ata que un día ocorra unha desgraza alí”.
A obra de restauración foi parada tras esgotarse o orzamento contemplado no proxecto. O motivo? O mal estado no que se atopaba o edificio cando a empresa adxudicataria iniciou a obra obrigou a facer unha modificación de proxecto para poder facer fronte a imprevistos estruturais. E isto obrigou a suprimir algunhas das unidades de obra incluídas no proxecto para engadir outras. Con esta modificación tamén foi necesario reaxustar o orzamento co que se dotou inicialmente a actuación.
El hospital de Galeras cumple dos décadas de abandono y su reparación tardará años
O candidato do PP deixou claro que, de ser alcalde, levantará o veto de circulación por Xoán XXIII: “É un barrio que segue a medrar en poboación e que cada día ten máis problemas de tráfico: necesitamos buscar solucións que faciliten o cambio de sentido na rúa Galeras e que alivien o tránsito de vehículos”, salientou. Sinalou tamén que o PP seguirá traballando “porque chegou o momento do cambio, a xente está decepcionada coas mesmas políticas de hai 30 anos, Santiago merece máis”. E insistiu en que “fronte a cidade da parálise e o atraso do PSOE, propoñemos un Santiago con ganas de crecer; ao Santiago triste e antigo dos actuais dirixentes, propoñemos un Santiago en marcha e con ambición”.
Temas
Más en Santiago
-
Ocio nocturno en Compostela: un viaje nostálgico a la era dorada de los 80 y 90
-
Axenda cultural: Que facer hoxe, 2 de maio, en Santiago?
-
El creador de ‘El caso Asunta’ revela nuevos detalles de la ficción que narra el crimen más mediático de Santiago de Compostela
-
El Camino de Santiago continúa rompiendo récords: más de 42.000 peregrinos en el mes de abril