PROXECTO
A mellora da conectividade de Pontepedriña terá unha inversión de 150.000 euros
A actuación pretende mellorar a accesibilidade e a conectividade desta zona compostelá
ECG
Enmarcada dentro da Estratexia de Desenvolvemento Urbano Sostible e Integrado de Santiago, o Concello ten prevista unha actuación na que investirá máis de 150.000 euros, e que contempla a mellora da conectividade de Pontepedriña, nunha iniciativa que conta cun prazo de execución de tres meses, e coa que se crearán percorridos que conecten o barrio co tecido urbano e xerará -ou mellorará- os espazos estanciais do devandito barrio santiagués.
O proxecto de mellora da accesibilidade nesta zona do sur da capital galega está previsto que sexa aprobado este próximo martes en xunta de goberno, e suporá a creación dun novo paso a través do río Sar coa construción de dous novos pasos. Unha actuación que inclúe ademais a pavimentación e axardinamento de diferentes espazos desta área, así como a eliminación das varias barreiras arquitectónicas existentes na mesma.
A actuación pretende mellorar a accesibilidade e a conectividade desta zona compostelá con outros barrios da cidade mediante ese novo paso sobre o río, que tamén favorecerá a existencia dun percorrido transversal interno, creando así mesmo novos itinerarios que terán continuidade no Ensanche santiagués e outras sendas como é por exemplo a de Sar.
Serán un total de 158.150 euros os que está previsto investir neste proxecto de remodelación, para o que se conta cun prazo de execución de tres meses. Dentro desta iniciativa, apostarase pola eliminación de barreiras arquitectónicas, co obxectivo de poder asegurar a accesibilidade de todas as persoas que o desexen, creando diferentes estruturas metálicas de vigas simples apoiadas sobre estribos nos estremos do leito do río, e seguindo o modelo das outras pasarelas xa existentes.
Trátase dunha operación vinculada a Estratexia de Desenvolvemento Urbano Sostible e Integrado de Santiago de Compostela (Edusi-Revive Compostela).
- La tienda temática de Harry Potter más grande de España abre sus puertas en Santiago
- Estrella Galicia lanza la canción del verano: así suena el tema compuesto por un popular artista compostelano
- La heredera de Rosario Porto logra vender el chalé de Teo donde fue asesinada Asunta
- La Urbana llega a Santiago: el nuevo local de hamburguesas abrirá esta semana en Cancelas
- Vuelven los conciertos a la azotea de este hotel de Santiago: gastronomía y música para iniciar la cuenta atrás del verano
- El jefe de la Policía Nacional de Santiago cesa de su cargo y se va a la Comisaría de La Rioja
- La residencia de estudiantes del viejo hospital de Galeras costará unos 900 euros al mes
- La heredera de Rosario Porto cerró la venta del chalé de Teo en 150.000 euros