encontro
A mocidade, protagonista do cambio en Santiago que quere o BNG
ECG
O BNG organizou onte un encontro coa mocidade na Praza Roxa para dar a coñecer as liñas do programa para o 28 de maio, e onde Goretti Sanmartín defende que a xente nova poida participar na toma de decisións. Este evento contou coa actuación musical de Tiam GZ e coas intervencións da debandita candidata á Alcaldía; acompañada por Martinho Cacheda, integrante da candidatura do BNG; e de Iria Carreira, deputada. Entre as medidas que anunciou Sanmartín está a posta en marcha do Consello da Mocidade como canle orgánica de diálogo, participación e incorporación de mozos e mozas ás políticas locais; a creación do Consello das Mulleres novas; e o desenvolvemento de axendas culturais destinadas á participación da mocidade. “Santiago ten que ser quen de facer que a súa mocidade poida traballar no noso concello e formar parte do seu futuro”, afirmou a candidata. “Por iso, vemos con especial preocupación a situación á que a nosa xente nova se ve abocada: un futuro de emigración, desemprego ou precariedade laboral que deben superarse”, engadiu. Para o BNG, “a mocidade xógase moito nestas eleccións municipais, porque Santiago leva expulsando a xente nova, primeiro á emigración e logo, cando regresa, aos concellos limítrofes na procura de vivenda a prezos asequíbeis”.
- Denuncian destrozos en el suelo del Obradoiro tras la actuación de la orquesta Panorama
- Caso Asunta: la carta íntegra que Basterra hizo llegar a Porto dentro de la cárcel antes de ser condenados
- Más de cien alumnos del Colegio Manuel Peleteiro celebran su graduación
- Los 40 y el polémico concierto de la Panorama dan el pistoletazo de salida a las fiestas de la Ascensión
- Fiestas de la Ascensión 2024 en Santiago: consulta aquí todos los horarios del programa
- El furor por el ramen llega a Santiago: así son los tres nuevos restaurantes que acaban de abrir sus puertas en el último mes
- Caamaño prevé cerrar esta semana los cambios en Sanidade: ¿Habrá relevo en la gerencia de Santiago?
- El nuevo edificio de viajeros de la estación de tren de Santiago no estará listo en verano y Adif evita dar plazos