Luis Zahera, "o irmán de Feijóo", aposta por Goretti Sanmartín como alcaldesa de Santiago
“O meu corazón é compostelán e quero mostrar o meu apoio ao BNG”
This browser does not support the video element.
O BNG vén de recibir unha mensaxe de apoio do actor Luís Zahera, para conseguir que Goretti Sanmartín se converta “na alcaldesa que lle pode dar unha volta ao Concello de Santiago”.
No vídeo, que se pode ver nas redes sociais do BNG de Santiago, o coñecido e prestixiado actor que foi gañador de numerosos galardóns entre os que figuran catro premios Mestre Mateo, dous Goya e os do Festival de Cans, expresa que o seu corazón é compostelán e apoia o BNG.
“Xa sabedes que na ficción son o irmán pequerrechiño de Alberto Núñez Feijóo e na realidade o meu corazón é compostelán e quero mostrar o meu apoio ao BNG”, sinala.
“O meu apoio a esa posible alcaldesa Goretti Sanmartín, porque creo que lle pode dar unha volta ao Concello, unha volta a Compostela, e porque unha muller sempre vai facer moi ben as cousas”, afirma Luis Zahera neste vídeo.
Temas
Más en Santiago
-
Memoria histórica en Santiago: “Los nazis mandaron al crematorio a mi tío por esconder pan”
-
La heredera de Rosario Porto cerró la venta del chalé de Teo en 150.000 euros
-
El jefe de la Policía Nacional de Santiago cesa de su cargo y se va a la Comisaría de La Rioja
-
Los ucranianos refugiados en Santiago solicitan ayuda para poder integrarse