San Marino amosa o seu interese en establecer relacións de cooperación turística con Santiago
Visitan Compostela Giovanni Francesco Ugolini, ex Capitán Rexente do país, e Andrea Paesini, embaixador do Camiño de San Marino
O concelleiro de Relacións Institucionais en funcións, Sindo Guinarte, reuniuse hoxe con Giovanni Francesco Ugolini, quen foi Capitán Rexente de San Marino nos semestres do 1 de abril ao 1 de outubro de 2002; e durante o semestre do 1 de outubro de 2010 ao 1 de abril de 2011. No encontro, Ugolini amosou o seu interese en establecer relacións de cooperación turística entre os departamentos de turismo de Compostela e de San Marino. Tamén asistiu Andrea Paesini, embaixador do Camiño de San Marino.
É a quinta vez que Giovanni Francesco Ugolini percorre o Camiño de Santiago, neste caso o Camiño Inglés. Durante a súa estancia en Santiago tamén se reuniron co arcebispo e entregáronlle a "testemuña" e credenciais do "Camiño de San Marino", que están promocionando.
A República de San Marino atópase na provincia de Rímini, na Emilia Romaña. É o terceiro estado independente máis pequeno de Europa despois de Mónaco e o Vaticano. De feito, a extensión do seu territorio é de algo máis de 60 quilómetros cadrados. Está dividido en nove lugares diferentes, chamados Castelos.
O Estado de San Marino, ao igual que Santiago, é Patrimonio da Humanidade e está considerada a república máis antiga do mundo, xa que mantén esta forma de goberno desde o século XIII.
Temas
Más en Santiago
-
Un ovni y un gaiteiro inspiran a la Real Filharmonía en su concierto de este viernes en Santiago
-
O Parlamento pide ao Goberno declarar o Xacobeo 2027 como evento de excepcional interese
-
Principio de acuerdo entre la Xunta y Raxoi para el nuevo aparcamiento en el Hospital Clínico
-
Scalpers abre en Área Central consolidando su oferta de moda outlet en Santiago