Raxoi instala nova sinaléctica para lembrar a prohibición de circular en bicicleta por San Pedro
As persoas que utilicen bicicletas deberán desviarse pola rúa da Angustia cara a rúa de Bonaval
Redacción
O Concello vén de instalar nova sinaléctica en San Pedro para advertir da prohibición de circular en bicicleta pola rúa. As persoas que as utilicen deberán desviarse pola rúa da Angustia cara a rúa de Bonaval. Con esta medida, o Departamento de Mobilidade pretende mellorar a convivencia neste punto de entrada do Camiño de Santiago.
Así, Xan Duro, Concelleiro de Mobilidade, Convivencia e Centros Socioculturais, recorda que "un dos puntos máis conflictivos no acceso do turismo da xente peregrina á cidade é o entronque entre a rúa de Conxeiros e o cruceiro de San Pedro", na cal "pásase dunha rúa de dobre sentido a unha rúa de sentido único en dirección subida, iso significa que as bicicletas non poden acceder e estano facendo en dirección contraria e moitas veces a velocidades pouco adecuadas e xerando situacións de risco para unha rúa que é fundamentalmente peonil". Por este motivo, o Concello reforzou a sinaléctica nese punto e está mantendo "presenza policial ao longo do día dende a semana pasada, fundamentalmente informativa" co obxectivo de explicarlle á xente que por aí non pode baixar montando en bici.
Unha vez instalada esta nova sinalización ao respecto do uso da bicicleta, comezarán as sancións polo mal uso deste vehículo. O obxectivo do Concello é garantir a convivencia e a seguridade na rúa de San Pedro, onde se viñan recibindo múltiples queixas pola presenza fundamentalmente de peregrinos e peregrinas que circulan en bicicleta nunha rúa de tráfico restrinxido e contra o sentido de circulación establecido para os vehículos autorizados, e en moitas ocasións a velocidades inadecuadas.
- Ocio nocturno en Compostela: un viaje nostálgico a la era dorada de los 80 y 90
- Así es el original mirador de Santiago que permite sacar la fotografía más buscada de la Catedral
- El creador de ‘El caso Asunta’ revela nuevos detalles de la ficción que narra el crimen más mediático de Santiago de Compostela
- Un alumno del Colegio Peleteiro de Santiago arrasa en la Olimpiada Española de Química: se lleva el bronce tras hacer doblete en Galicia
- Un hotel de Santiago se cuela entre los mejores de España al ganar la nueva distinción de la Guía Michelin
- Una mirada al pasado de Santiago en color: así era la Compostela de principios del siglo XX
- El informe municipal sobre la actuación de la Panorama en el Obradoiro es negativo: ¿Habrá cambio de escenario?
- Así es el impresionante palacete que recuerda a Downton Abbey: a la venta en Santiago de Compostela