O Obradoiro prepara a súa visita ao Real Madrid cun adestramento en Bertamiráns
Centos de aficionados, entre eles os alumnos do CEIP A Maía, apoiaron ao plantel no polideportivo de Ames
O Obra Peleteiro prepárase para o Campionato de España, que se celebra o domingo en Huelva
Este xoves os xogadores do Monbus Obradoiro realizaron unha sesión de adestramento no pavillón de Bertamiráns, centrados na súa loita pola salvación. O adestramento realizouse a porta pechada de 11.00h a 13.00h horas. De seguido, de 13:00h a 14:00h horas, abríronse as portas a todos os afeccionados que quixeron acudir a dito adestramento. Ademais, acudiron un gran número de rapaces e rapazas do CEIP A Maía, que se atopa moi preto do pavillón polideportivo e non quixeron desaproveitar a oportunidade de coñecer a algúns dos seus ídolos. Unha vez rematado o adestramento os xogadores e técnicos asinaron autógrafos e fixéronse fotos cos afeccionados presentes.
A realización de dito adestramento do Obradoiro en Ames enmárcase dentro do acordo subscrito entre o Concello de Ames, o Monbus Obradoiro e maila Fundación Obradoiro, para que o equipo filial, que compite na liga EBA, se denomine Obradoiro Ames e dispute os seus encontros como local no pavillón municipal do Milladoiro.
Os xogadores do Obra agradeceron o apoio que lles brindaron os afeccionados e afeccionadas de Ames. Ao remate da sesión de traballo, todos os asistentes puideron baixar á pista para pedir autógrafos e falar cos xogadores, que mostraron un fantástico trato. Esta foi a segunda ocasión na que o Monbus Obradoiro se achegou a Ames para realizar unha sesión de adestramento. Previamente, en maio de 2023, xa estiveron no pavillón do Milladoiro, sede do equipo filial do club que milita en Liga EBA: o Obradoiro Ames.
A concelleira de Deportes de Ames, Susana Señorís, agradeceu a boa disposición do Monbus Obradoiro que por segundo ano consecutivo realizou unha sesión de adestramento no seu Concello. “Este tipo de actividades permiten crear afección polo deporte e neste caso polo baloncesto. Sempre é un pracer que os veciños e veciñas poidan acudir a un adestramento dun equipo profesional como é o Monbus Obradoiro e que poidan falar e facer fotos cos seus xogadores favoritos”, declarou Susana unha vez finalizado o adestramento.
Esta sesión serviu ao equipo compostelán para preparar a súa visita deste domingo (12.30 horas) ao Real Madrid, segundo clasificado da Liga Endesa. Os de Moncho Fernández, xa na recta final dunha tempada á que lle restan catro partidos, están moi pendentes tamén do que suceda no partido que enfrenta a Coviran Granada e Breogán, os dous principais rivais do Obra na loita pola salvación.
O Obradoiro Peleteiro afronta o Campionato de España júnior en Huelva
Tras proclamarse campión galego júnior, o Obradoiro Peleteiro afrontará dende o próximo domingo o Campionato de España que se disputará en Huelva. Durante tres días buscará a clasificación para avanzar ás eliminatorias posteriores.
O equipo que dirixe Basilio Pampín quedou encadrado no grupo C da competición, e deberá medirse ao Joventut de Badalona, ao Casademont Zaragoza e ao Movistar Estudiantes.
Abrirá a súa participación o próximo domingo ás 09:30 horas no Palacio dos Deportes Carolina Marín ante o subcampión catalán, e o luns, ás 11:30 horas, verase as caras co primeiro clasificado de Aragón, para pechar a fase de grupos ante o segundo da comunidade madrileña, o martes ás 10:30 horas.
En caso de lograr a clasificación para oitavos de final, os seus posibles rivais sairán do grupo B, se terminase primeiro ou terceiro, ou do grupo H en caso de rematar na segunda praza do grupo.
Conforman o Obradoiro Peleteiro: Román Aldrey, Xoan Vilasó, Doudou Diahame, André Romero, Nicolás Serra, Mateo Cambón, Alonso Grela, Serguei Maseda, Luis López, Hadrián Mateo, Juan José Sánchez, Illia Butenko, Hugo Sánchez, Martín Álvarez e Yannick Pinas. O corpo técnico encabezao Basilio Pampín. Asísteno Marcos Toquero, o preparador físico que é Yago López e a fisioterapeuta Leyre Pombar.
Por outra banda, o Balidea Obradoiro disputará esta fin de semana a final a catro da 1ª División Cadete no pavillón Lorenzo de la Torre (Santiago de Compostela). En semifinais, e con unha praza para o Campionato de España en xogo, medirase o sábado ás 10:30 horas ao Novobasket. Ensino e Culleredo disputarán a outra semifinal. A final entre os vencedores está prevista para o domingo ás 12:30 horas. Por último, o encontro polo terceiro posto será o domingo ás 10:30 horas.
- El Correo Gallego - Diario de la capital de Galicia
- Cesa el equipo directivo por los problemas de convivencia que lleva meses sufriendo el Instituto do Milladoiro
- El eucalipto de Galicia prepara su camino para convertirse en ropa
- Lavacolla se prepara para recibir a los viajeros de los vuelos desviados por el cierre de Peinador
- Devuelven unos 4.000 euros que escupió un cajero automático en Lalín tras ingresarlos un vecino
- La nueva tableta de chocolate con galleta revoluciona Mercadona: cuesta 1€ y dicen que es mejor que el de Nestle
- Crónica social compostelana | La familia De la Iglesia se reúne en honor a sus padres
- Moonoff, la firma que nació en un garaje de Santiago y ahora ilumina tres continentes