A nova conselleira do Medio Rural ve "probablemente intencionados" os últimos incendios: "Vai no ADN de Galicia"
Nun encontro de coordinación sobre a loita contra a velutina, a conselleira sinalou que "están a vir uns días de seca, con nordeste, vento forte, e xa sabedes o que pasa, non?"
A nova conselleira do Medio Rural, María José Gómez, este xoves trala reunión co vicepresidente primeiro da Fegamp, Héctor Manuel Corujo, para abordar as novas medidas para combater a velutina / XOAN ÁLVAREZ
E.P.
A nova conselleira do Medio Rural, María José Gómez, considera que os incendios desta semana rexistrados na comunidade son "probablemente intencionados". "Vai no ADN de Galicia", afirmou.
A preguntas da prensa antes de participar en Santiago nun encontro de coordinación sobre a loita contra a velutina, a conselleira sinalou que "están a vir uns días de seca, con nordeste, vento forte, e xa sabedes o que pasa, non?". Remarca sobre uns lumes que "están a evolucionar ben".
O peor incendio rexistrado desta semana foi até o momento o de Crecente (Pontevedra), con 170 hectáreas queimadas. En declaracións a Europa Press, o alcalde, Julio César García-Luengo, asegurou que "non hai ningunha dúbida" de que o lume iniciado en tres focos diferentes no municipio "foi intencionado".
Cuestionada sobre a petición de maior estabilidade de persoal laboral fixo descontinuo de loita contra o lume en Galicia, a conselleira respondeu: "Non me chegou esa petición". Lembra que os traballadores con contratos de seis meses van pasar a nove meses en 2026. Esta mesma semana incorporáronse preto dun milleiro para traballar durante sete meses.
Axentes dos equipos de bombeiros traballan na extinción do incendio declarado esta semana en Crecente / Adrián irago (EP)
No que vai de semana, extinguíronse en Galicia os incendios de: Crecente, con 170 hectáreas arrasadas; A Fonsagrada, 65 hectáreas; Oímbra, 23,5 hectáreas; así como no Parque Natural Baixa Limia-Serra do Xurés, dúas hectáreas. En total, suman unhas 260 hectáreas calcinadas.
"Levo tres días na Consellería"
Por outra banda, tamén foi preguntada por diferente demandas que lle fan organizacións agrarias respecto do seu novo cargo. "Levo tres días na Consellería, non tiven tempo nin de despachar con todos os directores xerais", indicou Gómez.
"Non falei con Unións Agrarias nin me chegou a min ningunha petición, de momento", expresou sobre esta cuestión.
- Estos son los dos pueblos más felices de Galicia: los únicos en el top35 de España
- “Gañar unha praza significaría algo tan básico como poder poñerme enferma”
- Rueda completa la remodelación de la Xunta con el nombramiento de 16 directivos: Reboredo Nogueira liderará la Oficina de Coordinación Económica
- Ya se puede descargar el Bono Activa Comercio: cómo hacerlo y dónde utilizar el descuento
- Un nuevo frente atlántico llega a Galicia: así será el tiempo la semana del puente de mayo
- Fin de semana con tiempo frío y precipitaciones: este es el día que más va a llover en Galicia
- Hacer la renta por videollamada: un programa pionero para ayudar a 34.000 mayores del rural
- Santiago alberga el Congreso del PSdeG en el que Besteiro renueva su Ejecutiva
