O Centro de Información á Muller de Zas atendeu máis de 500 consultas en 2022
Asesoramento xurídico e atención psicolóxica son os servizos con maior demanda na contorna
redacción
Veciñas de Vimianzo, Cabana, Laxe, Ponteceso e Zas teñen á súa disposición o Centro de Información á Muller (CIM) da capital zaense, que o pasado ano atendeu un total de 565 consultas.
Os servizos máis demandados foron o asesoramento xurídico (216 consultas e a atención psicolóxica) (205). Ademais, no 2022 o CIM de Zas brindou apoio a 37 mulleres vítimas de violencia de xénero e ofreceron información sobre recursos, emprego, formación e outras cuestións a máis de cen usuarias da contorna.
Paralelamente, o centro organiza ao longo do ano diferentes actividades co fin de fomentar a igualdade entre sexos e loitar contra as violencias. Así, desenvolven diferentes programas en datas sinaladas como o Día Internacional da Muller e o Día Internacional da Violencia contra a Muller. Ademais, dende o CIM promoven talleres de memoria e actividades para persoas adultas.
A oferta inclúe desde ximnasia terapéutica, zumba, ioga, pilates, cesteiría e bordado entre outras actividades, que se imparten ao longo de todo o ano.
O Centro de Información á Muller de Zas está ubicado no antigo edificio da Cámara Agraria. Comezou a prestar servizo no ano 2001 e foi un dos pioneiros da Costa da Morte. Os seus servizos préstanse de xeito totalmente gratuíto.
O horario de atención ao público é de luns a venres de 8.00 a 15.00 horas. As consultas poden realizarse tanto de forma presencial como telefónica, a través do número 981 708303.
A cobertura dos devanditos servizos ás mulleres compleméntase na Costa da Morte coa que ofrecen os centros de Cee, Carballo, A Laracha e Muxía que, ao igual que o de Zas, atenden, ademais das demandas das veciñas dos seus respectivos municipios ás dos concellos colindantes. Todos eles contan con equipos de profesionais especializados para dar resposta ás demandas de todas as usuarias.
- “A nivel salarial non está en absoluto recoñecido o labor que fan os alcaldes”
- O PP de Teo aproba delegar na Xunta o reforzo policial, pero rexeita a moción contra Altri no Ulla
- Ames executa obras por valor de 2,76 millóns en Bertamiráns, Milladoiro e núcleos rurais
- Ordes enxalza os champiñóns e A Estrada acolle as actividades do Día da Xuventude
- Maio Vintage: Boiro revive os anos oitenta cun mercado retro
- El 'hotel rosa' de Vedra, entre los diez mejores alojamientos de España para la Guía Michelín
- Boiro celebra o Día da Danza cun espectáculo protagonizado por cincuenta bailarinas de ballet
- La Inspección auditará el IES do Milladoiro para atajar la conflictividad