Licitan unha nova actuación para reducir o risco de inundacións na capital carballesa
Os traballos centraranse na mellora hidráulica do río Anllóns ao seu paso polo lugar da Cepeira // Investiranse 1,2 millóns de euros e o prazo de execución previsto é de 7 meses
Redacción
A Xunta licitou este venres por máis de 1,2 M€ as obras de mellora no río Anllóns, ao paso pola Cepeira, en Sísamo, no concello de Carballo, para reducir o risco de inundacións.
A Plataforma de Contratos Públicos de Galicia publicou este venres a contratación desta actuación, establecendo un prazo para que as empresas interesadas poidan presentar as súas ofertas ata o vindeiro 12 de maio. A actuación conta cun prazo de execución de sete meses. Os traballos contemplados no proxecto consistirán na mellora hidráulica do río na zona de Sísamo, concretamente na contorna do enlace entre a autoestrada AG-55 e a estrada AC-552.
Estas obras enmárcanse no convenio de colaboración entre a Xunta e o Concello de Carballo, para a execución das obras identificadas como prioritarias no Plan de xestión específico da área de risco potencial significativo de inundación deste río, cun investimento total de 6,3 M€.
As accións prioritarias son as obras licitadas este venres na zona da Cepeira; as tamén contratadas esta semana para a remodelación de ponte e creación dun leito de augas altas na rúa Sol; a remodelación integral do parque San Martiño; a reforma da ponte sita na rúa Fomento, coa remodelación do leito e motas de contención augas abaixo da ponte; e a realización dun by-pass na zona de Muíño do Quinto.
As actuacións apostan pola naturalización do leito do río e polas infraestruturas verdes, fronte a solucións máis duras baseadas en intervencións que afastan aínda máis os ríos do seu estado natural. O obxectivo é favorecer o desaugue do Anllóns para evitar, na medida do posible, que durante os episodios de intensas choivas do inverno o Anllóns desborde e asolague diversos espazos públicos e tamén edificacións privadas ao seu paso pola capital de Bergantiños.
No que se refire aos compromisos das administracións recollidos no convenio, a Xunta é a encargada da redacción dos proxectos e de executar as obras correspondentes ata completar a súa finalización.
Pola súa banda, o Concello de Carballo asume a posta á disposición dos terreos necesarios para o inicio das obras e a realización das xestións pertinentes; así como a obriga de recibir as actuacións e levar a cabo o seu mantemento e conservación.
- El electrodoméstico que sustituye al horno y a la freidora de aire ya cuesta menos de 40 euros en Lidl
- El Correo Gallego - Diario de la capital de Galicia
- Mueren los conductores de dos vehículos tras colisionar en la carretera nacional N-550 a la altura de Ordes
- El desayuno que atrasa el envejecimiento y toma a diario Amancio Ortega
- Una gran bola de fuego ilumina el cielo de Galicia y Portugal: '¿Lo habéis visto?
- Así es el paraíso oculto entre las montañas gallegas: la aldea más escondida tiene alojamientos exclusivos y está a dos horas de Santiago
- Casi un año esperando licencia en Santiago para instalar un ascensor y aislar la fachada: “É unha vergoña”
- Moncho Fernández se marcha del Obradoiro a coste cero al existir una claúsula en su contrato