Trazo ofrece un servizo de recollida de plásticos agrícolas a domicilio

O Concello de Trazo segue a apostar pola reciclaxe. É por iso que informan aos veciños e veciñas de que está activo un servizo de recollida de plásticos agrícolas. Aqueles que desexen solicitalo non teñen máis que chamar ao 981 693 072 e dar nome e apelidos, teléfono e enderezo completo para saber onde se debe facer a recollida.

Dende o Goberno local lembran que para que se acepten os plásticos, estos deberán estar dobrados e atados nun sitio accesible para o camión e non se recollerán os que estean esparexidos polos predios. O servizo é de balde.