Rois participa no proxecto de tradición oral Contame un Mundo
Este luns, 26 de xuño, comezaron as actividades cun contacontos e foro de recollida de historias, e tamén cun obradoiro
Rois está a ser un dos oito concellos que participan este verán no proxecto Cóntame un Mundo que ten como obxectivo recompilar e dar a coñecer historias da tradición oral á vez que se tenden pontes comunicativas entre persoas maiores e novas e diferentes agrupacións sociais. Este luns, 26 de xuño, comezaron as actividades cun contacontos e foro de recollida de historias, e tamén cun obradoiro, dúas actividades abertas ao público que se desenvolveron no pazo de Antequeira e no local das mulleres rurais de Urdilde.
A primeira delas contou coa presenza do alcalde de Rois, Ramón Tojo, que se achegou ata o Pazo para agradecer o traballo de Raquel Queizás e de Alba de Vales, responsables do proxecto, á hora de poñer en valor os saberes e a cultura da oralidade da súa terras. Xa pola tarde, as mulleres que participaron na iniciativa narraron moitas das súas historias e vivencias e amosaron fotografías e obxectos significativos para elas.
Este xoves continuou a desenvolverse este programa. A partir das 19.00 horas, o campo da festa de Urdilde acolleu o Encontro da palabra, no que se compartirá un contacontos, con recreación de historias e máis petiscos para todos os asistentes.
Temas
Más en Área
-
Ribeira pon en valor o traballo das mulleres no mar
-
Iago Toba denuncia que BNG, PP e Independientes negocian una moción de censura en Muxía
-
El festival Bacanito, que se celebrará en Boiro los días 12 y 13 de julio, confirma ya un cartel de 19 DJ’s
-
O melidense Vicente Vázquez Vidal gaña o premio Francisco Añón de poesía na categoría de maiores de 18 anos