Recollen máis de catro toneladas e media de residuos en Corrubedo
A iniciativa englóbase dentro do voluntariado ambiental organizado polo Concello, que ten por obxectivo preservar a beleza natural dos espazos costerios e garantir a saúde dos ecosistemas mariños
Os participantes do voluntariado ambiental organizado polo Concello de Ribeira, a través da concellería de Cultura, Mocidade, Medio Ambiente e Benestar Animal, recolleron máis de 4.500 quilogramos de residuos de plástico durante a duración do programa. E, do mesmo xeito, limparon uns doce metros cúbicos de restos de tala.
“A recollida de residuos nas praias é unha actividade crucial para preservar a beleza natural dos nosos contornos costeiros e garantir a saúde dos ecosistemas mariños.” explica a concelleira ribeirense de Cultura, Mocidade, Medio Ambiente e Benestar Animal, Antía Alberte. “Seguiremos organizando este tipo de actividades para espertar o interese e o sentido crítico cara o medioambiente”, remataba a mesma fonte.
Hai que lembrar que a administración municipal ribeirense organizou este voluntariado ambiental baixo a tutela do persoal do Parque Natural de Corrubedo, nun programa que comezou a desenvolverse o pasado día 6 e vai rematar este mesmo xoves.
Entre os traballos que propuxeron acometer están dende os labores de mantemento do espazo natural como a reconstrucción e consolidación de sendeiros, eliminación de especies autóctonas, vixilancia de incendios, retirada de plásticos e microplásticos pero tamén actividades de información e sensibilización do visitante.
Temas
Más en Área
-
El certamen Canta con Ames convoca a todos los ruiseñores de Galicia a demostrar sus dotes con galardones en metálico
-
Llamamiento a directores de todo el mundo para que se sumen al festival Cinema Miúdo de Ames
-
Los ‘nuevos equipos’ directivos del Instituto do Milladoiro aguardan que se retome la normalidad
-
La diputada nacionalista Iria Carreira exige que se reforme el colegio xalleiro Barrié de la Maza durante este verano