METEOBAROUTA
Alumnos do CEIP de Barouta poñen o seu saber ao servizo dos gandeiros
Aplicando tecnoloxía e intelixencia artificial facilitan información meteorolóxica en tempo real
Presentaron o proxecto na sede de Cooperativas Lácteas Unidas
J. M. Ramos
Alumnos de cuarto de Primaria do CEIP de Barouta (Ames) presentaron na sede de Cooperativas Lácteas Unidas (CLUN) un proxecto innovador sobre a aplicación da tecnoloxía e a intelixencia artificial no sector gandeiro. Esta iniciativa busca facilitar o traballo dos gandeiros e gandeiras ofrecendo información meteorolóxica en tempo real que lles permita mellorar o rendemento das súas explotacións.
Hai uns meses, o alumnado deste centro amesán creou unha estación meteorolóxica que ofrece datos en tempo real sobre as condicións climáticas da zona, pero quixo ir un paso máis alá, e púxose a traballar na creación dunha aplicación móbil que permitise o acceso inmediato e constante a estes datos, e que emitise alertas cos cambios e variacións detectadas. Ademais, trátase dunha iniciativa inclusiva, de utilidade para todas e todos, pois estas alertas van acompañadas de pictogramas e dunha mensaxe de audio para que todas as persoas teñan acceso a esta valiosa información.
Tal e como eles mesmos explicaron, MeteoBarouta permitirá crear automatismos para a alimentación e derivación do gando grazas á lectura dos datos da estación meteorolóxica do colexio con intelixencia artificial. Así, por exemplo, en caso de baixada drástica das temperaturas, a interpretación destes datos permitiría bloquear o mecanismo das portas para evitar que o gando pastase no exterior. Dito proxecto acadou o primeiro premio, valorado en 2.000 euros, dentro da categoría de premios educativos da xornada de innovación InnovAmes.
O director do colexio, Alonso Caxade, explicou que “para nós é un orgullo poder vir a un lugar onde os proxectos poden ter vida propia e utilidade, porque cando os deseñamos na escola, o que agardamos é que despois o noso alumnado poida ter unha implicación directa onde poidan aplicarse, como pode ser o sector gandeiro no caso que nos ocupa”.
Ademais, engadiu, “é fantástico que o noso alumnado teña este contacto directo con CLUN, porque é a empresa que esta detrás dun sistema de automatismo, que xogando a soñar estes nenos e nenas lle poderían ofrecer o sistema que presentaron, e incluso ter un contacto coas gandeiras e gandeiros, que lles permitiría saber se ese automatismo é eficaz. En resumo, para que sexa significativo para o noso alumnado é fundamental que teñan contacto directo con quen o vai utilizar, para saber se esa idea é boa ou non”.
No acto participaron tamén o alcalde de Ames, Blas García, e as concelleiras de Promoción Económica, Ana Belén Paz, e de Educación e Mocidade, Carmen Porto, ademais da profesora Silvia López e o coordinador do Plan Dixital, Juan Lago.
- El Correo Gallego - Diario de la capital de Galicia
- Cierra un nuevo local en la 'milla de oro' de Santiago y ya se alquila por 3.500 euros al mes
- Sin fecha para la residencia de Santiago donada por Amancio Ortega: la Xunta mantiene la previsión de abrirla este mes
- Relevo en la Gerencia del área sanitaria de Santiago: Sanidade nombra a Ángel Facio Villanueva
- Sigue la polémica por la Panorama: el Concello evaluará los daños en el Obradoiro
- Cielo o infierno: la salvación del Obradoiro está en juego en Sar y en Granada
- Caamaño asegura que Ángel Facio llega a Santiago para "coger el toro miura que es el CHUS
- Denuncian destrozos en el suelo del Obradoiro tras la actuación de la orquesta Panorama