Afonso VIII volve á Costa da Morte para visitar Laxe e A Laracha
Percorrerá a cabalo as parroquias de Soesto, Serantes e Lendo o domingo
O feito histórico de 1223 recrearase a través das artes escénicas
No verán de 1223 o rei Afonso VIII de Galicia, máis coñecido como Afonso IX de León, estivo na Costa da Morte para asinar documentos e doazóns a mosteiros, percorrendo en varias etapas o camiño entre Santiago e A Coruña. Un feito histórico que esta fin de semana será recreado a través das artes escénicas, aproveitando o fondo de proxectos culturais Reino de Galicia da Deputación da Coruña. Nesta edición, recrearán dúas das súas etapas que levarán ao rei o domingo ata Soesto (Laxe) e Lendo (A Laracha).
Camariñas recreou a visita do rei Alfonso IX en 1228 coa celebración do Encaixe no Camiño
Viaxará a cabalo acompañado do seu séquito e á súa chegada a Soesto atoparase cunhas lavandeiras, para logo seguir camiño a Serantes, onde terá un encontro con dúas labradoras que se disputan a herdanza do pasamento dun dos homes. Despois desprazarase ata Lendo, onde a través do cantar de cegos se narrarán os acontecementos da súa vida e a súa infancia, a súa estadía no mosteiro de Moraime (Muxía) e a alianza e coroamento de Afonso VIII. De darlle vida encargarase Manu Fernández, acompañado polos actores e actrices Iago Espasandín, Yaqui Fateira, Virginia Bermúdez, Andrea Rodríguez, Isabel de Toro, Tamara Mouzo e Lupe Blanco, baixo a dirección de Xosé Leis e a dramaturxia de Bernardino Martínez.
Temas
Más en Área
-
Veteranos del Ejército y de la Guardia Civil de Valladolid peregrinan por el Camino a Fisterra
-
Instan á Xunta e Concello de Carballo a instalar unha pasarela provisional na Milagrosa
-
Entrega da edición do poemario 'Palabras mortas' a Fernández Dávila como gañador do premio Ardeiro en Negreira
-
Trasladado en helicóptero tras caerse por las escaleras de su casa en Teo