Veciños, alcaldes e edís de Cee, Corcubión e Fisterra camiñaron para sementar igualdade
O acto foi organizado polo Centro de Información á Muller
Participaron veciñas e veciños dos tres concellos
O Centro de Información á Muller, con sede na capital ceense, organizou esta fin de semana a andaina Sementando Igualdade, á que se sumaron veciños e veciñas, ademais dos rexedores e outros representantes políticos dos municipios de Cee, Corcubión e Fisterra.
A iniciativa, enmarcada nos actos conmemorativos do 8-M, tivera que ser suspendida no seu día debido ao mal tempo, pero a demora non foi impedimento para que se sumasen á mesma un nutrido grupo de persoas. Entre elas, as alcaldesas de Cee, Margarita Lamela, e de Fisterra, Áurea Domínguez, e tamén o seu homólogo de Corcubión, Francisco Javier Domínguez.
Continúan os ecos dun clamor a prol das mulleres que chegou á comarca neste 8M
A marcha partiu de Fisterra e rematou na vila ceense, onde a alcaldesa dirixiu unhas palabras a todos os asistentes, que fixeron o percorrido arroupados con chalecos de cor morada, como símbolo da súa acción reivindicativa a prol da igualdade.
Os representantes dos tres concellos agradeceron o apoio dos traballadores dos servizos de Igualdade e tamén de Protección Civil.
Temas
Más en Área
-
Ribeira pon en valor o traballo das mulleres no mar
-
Iago Toba denuncia que BNG, PP e Independientes negocian una moción de censura en Muxía
-
El festival Bacanito, que se celebrará en Boiro los días 12 y 13 de julio, confirma ya un cartel de 19 DJ’s
-
O melidense Vicente Vázquez Vidal gaña o premio Francisco Añón de poesía na categoría de maiores de 18 anos